AHTren Burgos-Gasteiz linearen azterlana onartu dute, 1.200 milioi eurorengatik
Garraioetako, Mugikortasuneko eta Hiri Agendako Ministerioak behin betikotasunez onartu du Burgos eta Gasteiz arteko Abiadura Handiko Linearako Proiektuaren Azterlan Informatiboa. Ia 1.200 milioi euroko inbertsioa izango du lanak.
Azterlanak bidaiarien trafiko esklusiborako linea berria mahaigaineratzen du, eta 350 orduko kilometroko abiadura maximoa. Ibilbideak 93,6 kilometro izango ditu, burdinbide bikoitzarekin, eta Burgosetik Gasteizera 30 minutuan iristea baimenduko du. Linea berriak bi tarte izango ditu, Burgos-Pancorbo eta Pancorbo-Gasteiz.
2018ko urtarrilaren 10ean lehen aldiz argitaratu zuten Estatuko Aldizkari Ofizialean azterlan informatibo hau publiko egiten zuen iragarkia.
Aurtengo abenduaren 1ean, Adifek lehiaketara atera zituen Burgos-Gasteiz abiadura handiko linea eta Arabako hiriburuko trenbidea lotuko dituen plataforma eraikitzeko lanak, 33,3 milioi euroren trukean eta gauzatzeko 12 hilabeteko epearekin.
Europar Batasunaren Next Generation funtsek finantzatuko dute lana, eta A-4302 errepidearen gaineko 70 metroko zubibide baten eraikuntza hartuko du barne, baita Madrid-Hendaia ohiko linearen gaineko pergola batena ere, 115 metroko luzera izango duena.
Ibilbidea uholde-arriskua izan dezaketen Zadorra ibaiaren inguruko guneetatik igarotzen da eta, hortaz, ikerketa bat egin dute URA agentziarekin batera, linearen eta Jundizeko etorkizuneko geltoki intermodalaren uholde-arriskuaren inguruan.
Burgosen eta abiadura handiko euskal sarearen arteko lotura, "euskal Y" gisa ezaguna, azpiegituraren garapenerako egiteko gelditzen ziren kontuetako bat zen, Nafarroarekiko loturarekin batera; AHTren hiriburuetarako sarreraren inguruko zalantzak argitu ostean.
Zure interesekoa izan daiteke
India, aukera ugariko herrialdea euskal makina-erremintarentzat
Nazioarteko testuingurua benetan zaila den honetan, makina-erremintaren sektoreak aire freskoa bilatzen du geldirik dagoen Europatik eta aurkari bihurtu den Txinatik urrun. Estatu Batuetako merkatua birika nagusia izanik, sektoreak bi gune nagusi ditu helburu: India eta Mercosur.
Denboraldiko lehen antxoa euskal portuetara iristen hasi da
Sasoiko lehen antxoak euskal portuetara iritsi dira, kostera hasi eta hurrengo egunean. 20 tona sartu dira, esaterako, Getariako portuan. Orain ikusi behar zenbatean saltzen duten kiloa arraindegietan, eta uste bezain gozo ote dagoen.
EAEn 1.100 langabe gutxiago izan dira otsailean, baina Nafarroan langabeziak zertxobait egin du gora
Hego Euskal Herrian 137.000 langabe inguru daude.
Petrolioaren prezioak % 3 inguru egin du gora, eta burtsetan jaitsierak izango dira, Iranen aurkako erasoen ondorioz
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europako erreferentzietako bat, hilabeteko epean entregatzeko gasaren prezioa % 22 gehiago igo da, 53,14 dolarreraino.
EAEko enpresek 1.130 milioi euro esportatu zituzten Ekialde Erdikora 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Erdikoko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.
Abian da MWCren hogeigarren ekitaldia Bartzelonan, fokua espazioan eta begirada 6G teknologian jarrita
Mobile World Congress kongresuak, konektibitateari lotutako teknologiari buruzko munduko hitzordu nagusiak, 2.900 erakusketari baino gehiago bilduko ditu. Bartzelonako Gran Via de Firako azoka-barrutian martxoaren 5era arte 100.000 bisitari baino gehiago biltzea espero da eta lurraldean 585 milioi euroko eragin ekonomikoa sortzea aurreikusten du, aurreko ekitaldian baino % 4,3 gehiago.
Makina-Erremintaren Nazioarteko Azokak digitalizazio, automatizazio eta robotika proiektu handizaleak erakutsiko ditu BECen
Martxoaren 2tik 6ra, bost egunez, 1.503 erakusketari eta 3.350 produktutik gora egongo dira bertan. Gainera, nazioarteari egingo diote azpimarra aurtengo edizioan, 70 herrialdetatik iritsitako bisitariak bilduko baititu.
Makina-Erremintaren Nazioarteko Azoka, euskal industriaren sendotasuna erakusteko topagunea
Euskal industriaren sendotasuna erakusteko eta merkatu berriak topatzeko aukera izango dute Makina-Erremintaren Nazioarteko Azokan parte hartzen duten enpresek. 34 herrialdetako 3.350 produktu eta zerbitzu berritzaile aurkeztuko dituzte, gehienak makinak.