Oinarrizko errenta ezartzea eztabaidatuko du Legebiltzarrak herri ekimen batek jasotako sinadurek bultzatuta
Eusko Legebiltzarrak euskal herritar guztientzat Baldintzarik Gabeko Oinarrizko Errenta ezartzeari buruz eztabaidatuko du, herri plataforma batek aurkeztutako proposamen bati erantzunez. 270 eta 900 euro bitarteko errenta eskatu dute, hain zuzen ere, 22.075 sinadura bildu dituen ekimen horrekin.
Sinadurak Legebiltzarrean aurkeztu dituzte astearte honetan, eta "arrakastatsutzat" jo dute proposamena. Izan ere, onartua izan dadin herri ekimen batek behar dituen 10.000 sinaduren bikoitza lortu dute, irailean abiatutako kanpainaren bidez.
"Lortu dugu, eta orain Legebiltzarreko alderdiei dagokie ekimen hau babesten duten ala ez adieraztea", azaldu du bozeramailetako batek. Halaber, denbora guzti honetan alderdi politikoen artean izan den "isilunea" gaitzetsi du.
Are gehiago, isilune horrekin "errespetu eza" erakutsi dutela salatu du, eta onartu du alderdien lana ez ezik, gainerako eragileen, sindikatuen eta patronalaren ardura ere badela orain herri ekimen horri erantzutea.
"Lege proposamen bat denez, eztabaidatu beharra dute", bukatu du. Horrekin batera, argi utzi du eztabaida "oso argia" dela, gaur egun indarrean dagoen Diru Sarrerak Bermatzeko Errentak ez diolako pobreziari aurre egiten.
Horregatik, 18 urtetik gorako pertsonentzat eta emantzipatuta dauden adingabeentzat hilean 900 euroko errenta eskatu dute, 450 eurokoa emantzipaturik ez dauden 14 eta 18 urte bitarteko gazteentzat eta 270 eurokoa 14 urtez azpikoentzat.
Azken hiru hilabeetan Euskadi bizitoki izan duen edozein herritarrek jaso ahalko du errenta, proposamen horren arabera. Beste norbaitekin bizitzeak edo beste diru sarrera batzuk edukitzeak, bestalde, ez du errenta hori baldintzatuko.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.