Aranburu: "Espainiako Gobernuak onartutako lan-erreforma ezin da babestu"
Espainiako Gobernuak sindikatuekin eta enpresaburuen patronalarekin adostutako lan-erreforma ez da LAB sindikatuaren gustukoa. Garbiñe Aranburu idazkari nagusiak ez dagoela sakoneko aldaketarik uste du, eta planteatuta dagoen bezala ezin dela babestu. Radio Euskadin egindako elkarrizketa batean, "hitzarmen autonomikoen eta probintzialen nagusitasuna" babestu eta Elkarrizketa Sozialerako Mahaiaren "zentralizazioarekin" amaitzeko beharra azpimarratu du.
Aitortu duenez, euskal langileak "ez daude ordezkatuta" foro horretan, eta Kongresuan ordezkaritza duten euskal alderdi politikoen esku utzi du euren interesen defentsa. Testuinguru horretan, zentralizazio hori "geldiaraztea" eta Euskadin lan harremanetarako "esparru propioa" ezartzea da bidea, Aranbururen ustez.
LAB sindikatuko idazkari nagusiak gogora ekarri duenez, urtarrilaren 27rako mobilizazioa deitu dute lan-erreformaren eta pentsioen erreformaren aurka, eta "ez du baztertzen" greba orokorrera iristea. Hori bai, epe laburrean greba orokorra deitzeko baldintzak ez direla betetzen argitu du, baina "ziklo berri batean" sartuko direla eta "greba orokorrak beharrezkoak" izango direla gaineratu du, "erreforma eta murrizketa gehiago" izango direlako.
Osakidetzaren egoeraz ere hitz egin du Garbiñe Aranburuk. "Kolapsatuta" dagoela eta langileak eta gaixoak "nekatuta" daudela uste du, eta baliabide gehiagorekin aurre egin beharko litzaiokeela. Zentzu horretan, osasun sistema publikoa indartzearen alde egin du, bestela, "pribatuak hartuko du abantaila". Ikasgeletara itzultzeari dagokionez, "urtarril zaila" iragarri du, irakasleen bajekin eta ikasleen konfinamenduekin.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.