Basozain bat hil da Pipaonen, zuhaitz baten adarrak jota
46 urteko langile bat hil da asteazken honetan Herrerako mendateko baso batean, Arabako Pipaon kontzejuan, zuhaitzak mozten ari zen bitartean, Segurtasun Sailak jakinarazi duenez.
Lan-istripua 12:15 inguruan gertatu da. Gizonari "tamaina handiko adar bat" erori zaio gainera, Ertzaintzaren Erreskate Taldeak Twitter sare sozialean zehaztu duenez.
Adarrak "langilearen buruan jo du, kaskoa hautsiz eta burezurrean lesio larria eraginez", erantsi du UGT sindikatuak. Beharginak sei hilabeteko antzinatasuna zuen enpresan, eta ezbeharraren unean, "antza denez, bakarrik zegoen".
Ertzaintzak patruilak, suhiltzaileak eta osasun zerbitzuetako langileak bertaratu dira ezbeharraren tokira, baina ezin izan dute ezer egin beharginaren bizia salbatzeko.
Biktima Villasana de Menako (Burgos) bizilaguna zen.
UGTk langilearen heriotza salatu du, eta "arrisku prebentzioaren benetako integrazioa" eskatu du sektoreko lanpostuetan.
"Lan-istripua ikertzea eskatzen du UGTk, eta baso sektorean ezbehar ugari daudela ohartarazten du; iaz hiru behargin hil ziren", azaldu du agiri batean.
Zure interesekoa izan daiteke
Laborariek protestak aurrera darraio Iparraldean, eta A-63 errepideak itxita jarraitzen du
Sindikaturik gabeko Ultra 63 mugimenduko langileek Mercosur akordioa eta akabatze masiboak bertan behera uzteko eskatzen dute. Mercosurreko akordioa dela, dermatosi nodularraren aurkako neurriak. Pirinio Atlantikoetako prefetarekin bildu dira gaur euren eskaerak helarazteko, baina ez da aski izan eta hirugarren gaua pasako dute autobidean.
Eusko Jaurlaritzak uste du Mercosurrekiko akordioa "aukera argia" dela euskal industriarentzat
Muga-zergak pixkanaka kentzeak euskal enpresei kostuak "nabarmen" murriztea ekarriko diela azpimarratu du.
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Balizko akordio bati azken zertzeladak ematen ari dira EB eta Mercosur, nekazarien protesten artean
Frantziak, Hungariak eta Irlandak publikoki esan dute uko egingo diotela itunari, baina azken orduetan Italiako Atzerri ministro Antonio Tajanik adierazi du begi onez ikusi dutela Europako Batzordeak egindako azken askaintza.
Langile bat hil eta beste bat zauritu da Urruñan, eraikuntza-lanetan ari zirela
Istripua goizeko 09:15ak inguruan izan da, ur-biltegi bat eraikitzeko lanetan.