Euskal gehiengo sindikalak kaleak hartu ditu lan erreformaren aurka egiteko
ELAk, LABek, Steilasek, ESK-k, Etxaldek eta Hiruk deituta, milaka herritarrek Iruñeko, Donostiako, Gasteizko eta Bilboko kaleak zeharkatu dituzte Espainiako Gobernuak CEOE patronalarekin eta UGT eta CCOO sindikatuekin adostu duen lan erreformaren aurka.
Sindikatuekin batera, gazte taldeek, pentsiodunen kolektiboek eta mugimendu feministak, antimilitaristak, ekologistak, antiarrazistak eta independentistak parte hartu dute, eta guztien ahotan egon da lan erreforma "lapurreta" bat dela, erabakimena bertan geratu behar dela eta lan erreforma bertan behera uzteko aldarria.
Mobilizazio jendetsuena Bilbon egin dute. Moyua Plazatik abiatu den manifestazioaren aurrealdean, "Lan erreforma honi ez! Euskal lan harremanen markoa" leloa irakur zitekeen, sindikatu antolatzaileek sinatutakoa, eta Kale Nagusia zeharkatu ostean, Arriaga plazaraino joan dira.
Nafarroako hiriburuko manifestazioa autobus geltoki zaharretik abiatu da "Lan erreforma honi ez" lelopean, eta Sarasate Pasealekuan amaitu da, hiriguneko kaleak zeharkatu ostean.
"Patronala lan erreformatik kanpo", "CCOOk eta UGTk berriz saldu gaituzte", "Eskuak gora, erreforma lapurreta da" eta "Krisia kapitalak ordain dezala" oihukatu dute, bestelako aldarrikapen batzuen artean.
Imanol Pascual Nafarroako ELAren koordinatzaileak hedabideen aurrean azaldu duenez, manifestazioarekin salatu nahi izan dute "Madrilen lan erreformarako egindako akordioa patronalaren garaipen handia" dela.
Horren esanetan, patronalak "duela hamar urte lortu zuen Rajoyk bere neurrira egindako erreforma bat onartzea, eta 10 urte geroago, ezaugarri atzerakoienei eusten dien erreforma bat du", eta "gainera, PSOErekin, Unidas Podemosekin, UGTrekin eta CCOOrekin adostuta".
ELA sindikatuaren ordezkariak azaldu duenez, akordioak agerian uzten ditu "elkarrizketa sozialaren mugak, patronalari egiten baitio mesede bereziki, betorako eskubidea emanaz, eta patronalak sekula ez dio uko egiten pribilegioari".
Era berean, sindikalistak esan du UGTk eta CCOOk "ontzat" eman dutela "Rajoyren erreformaren okerrena", "duela hamar urte greba orokorra egin ostean", eta "babesa" ematen dute "Unidas Podemosek eta PSOEk lan erreforma bertan behera uzteko konpromisoa urra dezaten".
"Ustezko ezkerrak langile klaseari huts egiten dionean, eskuindarrak eta eskuin-muturrekoak gustura, eta horixe ari da gertatzen, gaur-gaurkoz lan erreforma hobetzeko benetako aukerak baitaude" Kongresuak onartu aurretik, azpimarratu du.
Pascualen aburuz, Unidas Podemos, PSOE, UGT eta CCOO "ahal duten guztia" egiten ari dira erreforma ez hobetzeko, eta "hori oso jokabide tristea da ustez historiako gobernu aurrerakoiena denarentzat eta sindikatuentzat".
Alderdi politikoei osteguneko bozketan lan erreformaren aurka bozkatzeko eskatu ostean, "lan harremanen marko propioa" aldarrikatu du, "hemen erabaki ditzagun gure lan-baldintzak, Madrilen esku-sartzerik gabe, eta Nafarroan UGTk eta CCOOk ordezkaritzaren erdia ez dutela aintzat hartuta".
Elkarretaratzeak lantokietan, otsailaren 2an
Bestalde, Garbiñe Aranburu LABen idazkari nagusiak berretsi duenez, lan erreformak "lan harremanen prekarizazioa betikotzen du" eta "ez du eskubiderik berreskuratzen". Hori dela eta, langileei lantokietan eta kalean eta EAJri eta EH Bilduri Kongresuan errefusatzeko deia egin die.
"Elkarrizketa sozialaren marko honetan, herri honetako langileen gehiengoa ez dago ordezkatuta, CCOOk eta UGTk Euskal Herriko langileen % 34 bakarrik ordezkatzen baitute. Horregatik eskatzen diegu EH Bilduri eta EAJri eraman dezatela gure ahotsa Kongresura", adierazi du.
ELAk, LABek, Steilasek, ESK-k, Etxaldek eta Hiruk uste dute mobilizazioak direla langile klasearen lan-baldintzak hobetzeko tresna nagusia. Hori horrela, otsailaren 2an lantokietan elkarretaratzeak egiteko deia egin diete langileei.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".