"Testu itxia" mantentzen baldin bada lan-erreforma arbuiatuko dutela esan die EH Bilduk ELAri eta LABi
Egungo "testu itxia" mantentzen baldin bada koalizioak lan-erreforma errefusatuko duela esan dio Oskar Matute EH Bilduko diputatuak euskal gehiengo sindikalari, Mariano Rajoyren 2012ko erreformaren ezaugarri "kaltegarrienak" aldatzen ez dituelako.
Matute ELA, LAB eta Steilas sindikatuetako ordezkariekin bildu da Bilbon. Hiru eta Etxalde sindikatuekin batera, EH Bildu, EAJ eta Podemos Ahal Dugurekin batzartuko dira datozen egunetan, indar politikoei azken lan-erreformak "osorik indargabetzeko konpromisoa" eskatzeko. Testua otsailaren 3an bozkatuko du Diputatuen Kongresuak.
Espainiako Gobernuak, CEOE patronalak eta UGT eta CCOO sindikatuek adostutako "testu itxia" aurkezten baldin bada, EH Bilduk ez du aldeko botorik emango, "inola ere ez", ziurtatu du koalizioko diputatuak.
"Lan-erreformari baiezkoa ematea, Mariano Rajoyren 2012ko lan-erreformaren muinari baiezkoa ematea da", nabarmendu du Matutek.
Diputatuaren ahotan, Kongresura "menu itxi eta blokeatua" eramatea Ganberari eztabaida "lapurtzea" litzateke.
Matutek erantsi duenez, "seguraski, Bruselaren presioengatik eta CEOE beto eskubidea duen lehentasunezko bazkide egiteagatik, hankamotz heldu den" lan-erreforma da.
Ohar batean, orain arte EH Bilduk izandako jarrera "eskertu" dute ELA, LAB, ESK, Steilas, Hiru eta Etxalde sindikatuek. Hala ere, kaleratzeen gaian eta euskal markoaren defentsan tematzeko eskatu diote koalizioari. "Aldaketak eragiteko modu bakarra CEOE gabe negoziatzea da", ohartarazi dute sindikatuek.
Zure interesekoa izan daiteke
Marlaskak dio Korrikan presoen argazkiak erakustea legez ez dela delitua
Fernando Grande Marlaska Espainiako Gobernuko Barne ministroak esan du "nazkagarriak" iruditu zitzaizkiola azken Korrikan ikusitako hainbat irudi, besteak beste, ETAko preso baten argazkia soinean zeraman haurrarena. Azaldu du segurtasun indarrek adi jarraitzen dutela halako gertakarien aurrean, baina, legea eskuan, ekintza horiek ez direla delitua erantsi du. Senatuan egin ditu hitzok ministroak, UPNko Maria Caballerori, ETAk hil zuen Tomas Caballero Iruñeko zinegotzi izandakoaren alabari, erantzunez.
Insaustik Udalaren autonomia defendatu du, Donostiako Infernuko lursail batzuk Eusko Jaurlaritzari lagatzeari uko egin ostean
PSEk, EH Bilduk eta Elkarrekin Donostiak bi udal lurzati Eusko Jaurlaritzari lagatzea eskatu zuten, etxebizitza publikoak eraikitzeko, eta alokairuko etxebizitza babestuak eskaintzeko aukera galdu izana deitoratu dute.
Eneko Anduezak “oso zail” ikusten du EAJrekin akordioa lortzea lanpostu publikoetan euskara blindatzeko
PSEren buruak adierazi du “prest” daudela hitz egiteko, baina jeltzaleen proposamena zalantzan jarri du eta esan du “milaka herritarren eskubideen aurka” doala. Joseba Díez Antxustegik, EAJren bozeramaileak Eusko Legebiltzarrean, “albiste txarra” dela uste du, “bai herriarentzat, bai euskararentzat”.
Jose Antonio Agirre lehendakariaren Jaurlaritza omendu dute bere lehen egoitzan, Carlton hotelean
Imanol Pradales buru duen Gobernuak lehen Eusko Jaurlaritza omendu du, haren sorreraren 90. urteurrenean.
Sumarrek "iruzurra" egotzi dio Hezkuntzari 0-3 urteko plaza publikoak ez sortzeagatik, horretarako "Europako funtsak izan arren"
Sumarren legebiltzarkide Jon Hernandezek adierazi duenez, "252 plaza baino ez dira sortu, hau da, hitzartutakoaren % 16,6 besterik ez".
Barcenasek baieztatu du kartzelakide bati Rajoyrekin lotutako audioak suntsitzeko eskatu ziola
Luis Barcenas PPren diruzain ohiak berretsi egin du, Kitchen operazioa epaitzen ari den Auzitegi Nazionaleko auzitegian, kartzelakide bati "MRrekin, Mariano Rajoyrekin, lotutako audio batzuk suntsitzea" eskatu ziola.
Denis Itxaso: “Lokalak etxebizitza bihurtzeko baldintzen artean, bi fatxada izateko baldintza ezabatuko dugu, besteak beste”
Eusko Jaurlaritzak asteartean Gobernu Kontseiluan onartuko duen dekretu berriak etxebizitza politikako neurri sorta zabala martxan jartzea ekarriko du, azken hilabeteetan iragarritako ildo nagusiak garatzeko. Neurrien artean, lokalak etxebizitza bihurtzeko baldintzak malgutuko dira, eta horri esker, Jaurlaritzaren kalkuluen arabera, 7.500 lokal inguruk izango dute erabilera aldatzeko aukera Euskadin. Denis Itxasoren hitzetan, “orain arte bi fatxada edukitzea eskatzen zen lokal horiek etxebizitza bihurtzeko, baina hemendik aurrera ez da hori exijituko, eta beste hainbat baldintza ere malgutuko ditugu”.
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta, ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.