Bizkaiko kontserben sektorean hitzarmenaren aurreakordioa sinatu dute sindikatuek eta patronalak
Bizkaiko kontserbetako sektorean lan-hitzarmena izango dute eta langileek gutxienez 1.200 euro kobratuko dituzte. LAB, CCOO eta UGT sindikatuek aurreakordioa sinatu dute Cebek eta Norpesco patronalekin erabat feminizatuta dagoen sektorean.
LAB sindikatuak azaldu duenez, ituna 2024ra arte izango da indarrean eta soldata modu progresiboan igoko zaie langileei. Igoera % 7,18-14,39koa izango da, kategoriaren arabera, eta iazko soldatei eragingo die.
Gainera, hitzarmena indarrean dagoen urteetan KPI bateratua adostutako igoera baino handiagoa bada, diferentzia ordainduko zaie beharginei, urteko 17.250 euroko muga jarrita.
Cebek patronalak zehaztu du igoera urtez urte zenbatekoa izango den: 139,14 euro 2021ean; 825 euro 2022an; 550 euro 2023an; eta 625 euro 2024an.
Horrez gain, protokolo bat adostu dute sexu-jazarpenari eta orientazio sexualagatik edo genero identitateagatik ematen den jazarpenari aurre egiteko.
Cebekek alde guztiek egindako "ahalegina" eskertu du, soldatei dagokionez enpresek "urrats kualitatiboa" eman dutela iritzita eta sindikatuek "lanaldia antolatzeko malgutasuna" mantentzea eta hitzarmenaren indarraldia 2024ra arte ezartzea onartu dutela nabarmenduta.
LABek azpimarratu du langileen baldintzak "duintzea" lortu dela eta erantsi du ituna mobilizazioen ondorioa dela.
CCOOk ere antzeko irakurketa egin du, eta "soldata igoera handi horiek lortzeko" langileen mobilizazioak "erabakigarriak" izan direla adierazi du.
Bestalde, ELA sindikatuak esan du ituna ez dela nahikoa, "soldaten eta prekarietatearen arazoak konpondu gabe jarraituko dutelako".
Sindikatu horren ustez, itun horren helburua "sektorean protestak amaitzea" da.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.