Nondik dator Euskadin kontsumitzen dugun energia?
Euskal Autonomia Erkidegoak oso urrun du independentzia energetikoa, hau da, gure jarduera guztietarako behar dugun energia gure kabuz sortzeko gai izatea.
2020koak dira gaur egun ditugun azken datuak. EAEk behar duen energia guztiaren hiru laurden petrolioa eta horren deribatuak eta gas naturala erabiliz asetzen da. Petrolio gordinak eta deribatuek kontsumoaren ia erdia (% 44) astetzen dute, eta gas naturalak, heren bat (% 33,9).
Gurean behar dugun energia elektrikoaren % 11,7 inportatu egiten dugu, eta kontsumitzen dugun guztiaren % 9,8 energia berriztagarrien bidez ekoitzitakoa da. Gainerako % 0,3 ikatzaren eta deribatuen bidez lortzen da.
Ez da arraroa petrolioak eta deribatuek asetzea eskaeraren zati handiena. Izan ere, garraio sektoreak kontsumitzen du energia horren zati handiena, eta autogintzarako gasolioak hartzen du EAEn kontsumitzen diren petrolioaren deribatuen % 77,6.
Deribatu horiek Muskizko (Bizkaia) Petronorren plantan fintzen dira. Batez ere Mexikotik (2.500.000 tonatik gora), Errusiatik (ia 1.800.000 tona) eta Ipar Itsasotik (1.000.000 tona baino gehiago) dator petrolioa, findu gabe, gordinik.
Gas naturala batez ere industriak (% 43,5) eta zentral termoelektrikoek (% 26,6) erabiltzen dute. Etxebizitzen eskaera % 11,5ekoa da. Baina nondik dator?
Bilboko portuko birgasifikazio plantan itsasontzietan jasotzen dugu. Horren parte bat Penintsula iparraldeko eta Frantziako beste toki batzuetara bideratzen dira hemendik, eta Bartzelonara eta Saguntora (Valentzia) heltzen den guztiaren parte bat ere EAEra bideratzen da.
Zierbenakoa (Bizkaia) Espainian deskarga gehien jasotzen dituen planta da. Eta nondik dator gas hori? Errusiatik gehienbat, baina AEB, Trinidad eta Tobago, Nigeria eta Ginea ere ageri dira bidaltzaileen zerrendan.
Nola doaz energia berriztagarriak? Pisu txikia dute oraindik. Ekoizpen elektriko berriztagarrian toki berdintsua dute hidroelektrikoak, biomasak eta eolikoak. Fotovoltaikoa azken postuan dago, baina hori da gehien igo dena.
Ikusi dugunez, EAEk mendekotasun handia du kanpotik jasotzen baitu behar duen gehiena. Euskadiren autohornikuntza-tasa % 10ekoa da, hau da, behar dugun ia energia guztia kanpotik ekartzen dugu. Mendetasun hori oso altua da, EBko herrialdeetako mendetasunarekin alderatuta.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.