Gizarte Segurantza "hemendik" kudeatzeko bidean gutxieneko diru-sarrera aurrerapausoa dela dio Garamendik
Olatz Garamendi Gobernantza Publiko eta Autogobernu sailburuaren iritziz, Gizarte Segurantza "hemendik" kudeatzeko tresnak egon badaude, eta bizitzeko gutxieneko diru-sarrera Euskal Autonomia Erkidegora (EAE) eskualdatzea bide horretan "aurrerapauso" bat da. "Erakutsi diogu Madrili Gizarte Segurantza hemendik kudea litekeela, elkartasuna hautsi gabe'', adierazi du Euskadi Irratiko "Faktoria" saioan egin dioten elkarrizketan.
Atzo Eusko Jaurlaritzak eta Espainiako Gobernuak ofizial egin zuten bizitzeko gutxieneko diru-sarreraren eskualdatzea. Hasiera batean adostutakoa baino 16 hilabete geroago, baina Eusko Jaurlaritzak prestazio horren transferentzia osoa eta epe mugarik gabe jasoko du. Garamendik onartu du kostatu egin dela, eta gogo onez edo txarrez, baina transferentzia egin behar zen moduan egin dela. Izan ere, epe mugatu baterako edo baldintza batzuekin eskualdatzea ezin zela egin zehaztu du.
Etorkizunean Espainiako Gobernuak prestazioan aldaketaren bat egiten badu, baldintzetan edo ordaintzen den kopuruan esaterako, Eusko Jaurlaritzak ere moldaketak egingo ditu eta horrek Kupoan isla izango duela azaldu du Garamendik.
Gizarte Segurantzaren eskumenari dagokionez, orain ikerketa eta estudio fasean dagoela onartu du.
Garamendi sailburuaren esanetan, bizitzeko gutxieneko diru-sarrera Euskal Autonomia Erkidegora eskualdatzea mugarri bat izan da, aurrerapauso handi bat, autogobernuari dagokionez. Ildo horretan, agendan dauden beste eskumenak desblokeatzeko inflexio-puntua izango dela espero du.
Egutegian ageri diren eta oraindik eskualdatzeko dauden transferentzien inguruan galdetuta eta Espainiako Gobernuaren legegintzaldia amaitzeko urte eta erdi gelditzen dela kontuan hartuta, Olatz Garamendik erantzun du borondatea eta gogoa izanez gero, badagoela denbora nahikoa falta direnak "etxera ekartzeko". Bizitzeko gutxieneko diru-sarrerarekin amaituta, itsasertzaren kudeaketaren edota aireportuen eta aldiriko tren zerbitzuen kudeaketaren inguruko negoziazioak beste erritmo batean egiteko gogoa agertu du.
Lan Eskaintza Publikoak
Bestalde, lan eskaintza publikoen inguruan hitz eginez, aurreratu du 3.000 plaza baino gehiago aterako dituztela urtea amaitu aurretik: lehen deialdia, 1.400 lanpostukoa, hemendik gutxira, eta 1.700 lanpostuko bat, urte amaieran.
Deialdi bakoitzaren baitan bi prozedura zabalduko omen dira: batetik, meritu lehiaketa; bestetik, oposizio lehiaketa.
Meritu lehiaketan, ez da azterketarik egingo. Garamendiren arabera, antzinatasuna baloratuko da gehien meritu gisa, baina baita beste batzuk ere, formakuntza akademikoa, kasu.
Oposizio lehiaketara eta meritu lehiaketara edozein aurkeztu ahalko da eta posible izango da prozedura bietara aurkeztea ere.
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.