Garraiolarien greba lan erregulazioa eskatzeko arrazoitzat jo daiteke, Eusko Jaurlaritzaren arabera
Eusko Jaurlaritzako Lan eta Enplegu Sailaren arabera, garraiolarien greba aldi baterako lan erregulazio kolektiboak abiatzeko arrazoi izan daiteke, EEEen bitartez.
Idoia Mendia bigarren lehendakariordea buru duen sailak azaldu duenez, hala egin ahal izango dute enpresek, betiere frogatuz gero hori dela euren jardueraren etetearen kausa zuzena, edo horri aurre egiteko ezin izan dutela beste biderik aurkitu.
Eusko Jaurlaritzako Lan eta Enplegu Sailak argitu nahi izan ditu EEE eskaera aurkeztea ahalbidetzen duten baldintzak. Izan ere, azken egunotako egoera dela eta, zenbait zalantza mahaigaineratu dituzte enpresek eta enpresa erakundeek.
Aplikatuko den irizpidearen arabera, enpresek lan erregulaziorako espedienteak aurkeztu ahal izango dituzte ezinbesteko egoeretan, garraiolariek abiatutako lanuzteak arrazoi hartuta, Langileen Estatutuko 47.5 artikuluari jarraiki.
Gisa horretako EEE bat aurkeztuko duten enpresek frogatu beharko dute greba hori dela euren jardunaren etetearen arrazoia, baita hornikuntza arazoak eta produktuak merkaturatzeko zailtasunak ere.
Memoria horretan, frogatu beharko dute ezin izan dutela bestelako biderik erabili; besteak beste, hornitzailea aldatzea edo biltegiratze neurri berriak.
EEEaren eraginak enpresak hornikuntza arazoa izatearen unetik aurrera aplikatuko lirateke, eta ez grebaren hasiera unetik aurrera. Era berean, Lan Agintaritzaren ebazpenak 10 eguneko epemuga hartuko du barne, eta indarrik gabe geldituko litzateke lanuztea lehenago amaitzekotan.
Greba luzatzekotan, epe hori igarota enpresak txosten berri bat eskatu beharko luke, aurrekoaren baldintza berdinekin, Eusko Jaurlaritzak jakinarazi duenez.
Zentzu horretan, lehendakariordeak nabarmendu du unera arte ez dutela arrazoi horregatik EEErik jaso, baina jakin badakitela "greba nola eragiten ari zaien hornikuntzari eta lehengaien kostuari".
Hori dela eta, azpimarratu du bere saila, "dituen eskumenekin, enpresen bideragarritasuna eta langileen enplegua bermatzeaz" arduratuko dela, "unean ditugun tresnekin nola jardun daitekeen jakinda".
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.