Espainiako Gobernuaren eta garraiolarien arteko akordioaren zazpi gako
Espainiako Gobernuak eta garraiolariek adostutako akordioak erregaiaren prezioa 20 zentimo merkatzen du litroko. Gainera, elikadura kateko legearen oinarriak sektoreari aplikatzea agindu du, garraiolariek kostuen azpitik lan egitea saihesteko.
Errepide garraioari laguntzeko akordioa ekainaren amaierara arte luzatuko da, eta guztira 1.135 milioi euro aurreikusten ditu, erregaien prezioaren igoera orekatzeko.
Hauek dira akordioaren nondik norakoak:
1.- 20 zentimoko gutxieneko hobaria erregai litroko edo kilogramoko (15 zentimo Estatuak jarriko ditu, eta petrolio-konpainiek gutxienez 5 zentimo). 665 milioi euro suposatzen ditu.
2.- Kamioi bakoitzeko 1.250 euroko diru-laguntzak, 950 autobuseko, 500 euro furgonetako eta 300 euro ibilgailu arineko (taxi, VTC eta anbulantziak); enpresa bakoitzeko 400.000 euroko mugarekin. Ibilgailu motaren arabera, 450 milioi izango dira merkantzia eta bidaiari garraio enpresentzako.
3.- ICOk bermatutako kredituen epemuga 8-10 urte luzatzea, baita kreditu horien gabealdia 6 hilabete ere. Gainera, ICOk bermatutako kreditu lerro berri bat sortu dute, 12 hilabeteko gabealdiarekin. Hala ere, zenbatekoa ez dute oraindik zehaztu, baina aurreko kredituak berriz finantzatzeko balio dezakete.
4.- Garraiolari ogibidea uzteko diru-laguntzen aurrekontua areagotzea: 10 milioitik 20 milioira pasako da 2022an. Diru-laguntzak batez beste 30.000 eurokoak dira pertsona bakoitzeko; fisikoki oso gogorra den lanbidean erretiroa aurreratzeko.
5.- Elikadura kateko legearen aplikazioa garraio sektorean, azpikontratazioaren bidezko erabilpena eta lanaren errentagarritasuna ziurtatzeko.
6.- Gasolio profesionala hilero itzultzea, orain arte hiruhileko bakoitzean bueltatu beharrean. Hilero itzuliko dute, gastuaren kalkulua eginda, baina urtero erregularizatuko da. Sektorearen eskakizun historiko bat zen. Garraiolariek gasolioaren prezioan 0,05 zentimoko hobaria dute, urtean 50.000 euroko mugarekin. Diru kopuru hori hilero itzuliko da orain.
7.- Osasun zentimoa deritzonaren itzulpena bizkortuko da (hidrokarburoen txikizkako salmenten gaineko zerga osasun gastua finantzatzeko).
Diru-laguntza guztiak gehituta, kamioi batek batez beste 3.560 euro aurreztuko ditu hiru hilabetetan. Furgoneta batek, aldiz, batez beste 830 euroko laguntza izango du hiru hilabetetan.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.