Inflazioa % 10etik gertu kokatu da martxoan, 1985etik izan den tasarik altuena
Espainiako Kontsumoko Prezioen Indizea (KPI) % 9,8an kokatu da martxoan, 1985eko maiatzetik azken 37 urteetan izandako urte arteko tasarik altuenean. Aurreko hileko urte arteko KPIarekin alderatuta, 2 puntu egin du gora, eta % 3, otsaileko prezioekin alderatuta.
Espainiako Estatistika Institutuak argitaratutako datu aurreratuen arabera, martxoko urte arteko KPIaren igoera (% 9,8raino) osagai gehienen igoera "orokortuaren" ondorioa da. Batez ere, elektrizitatearen, erregaien eta elikagaien eta alkoholik gabeko edarien prezioen gorakada nabarmentzen dira. 2021eko hil berean baino gehiago igo dira martxoan.
KPIaren datuen aurrerapenean, azpiko inflazioaren estimazio bat sartu du Estatistika Institutuak, prestatu gabeko elikagairik eta produktu energetikorik gabekoa, eta martxoan 4 hamarren igo da, % 3,4raino, 2008ko irailetik izan duen baliorik altuenera.
Azken hilabeteko aldaketari dagokionez, KPIak % 3ko igoera izan du martxoan otsailekoarekin alderatuta, 2002tik hilabete batean izandako gorakadarik handiena. Urte horretan aldatu zuten estatistika horren metodologia, merkatuaren bilakaera hobeto jasotzeko.
Gaur argitaratutako datua KPI aurreratua da. Espainiako Estatistikako Institutuak apirilaren 13an argitaratuko ditu martxoko behin betiko datuak.
Datua "txarra" dela aitortu du Sanchezek, baina onartutako neurriekin "egonkortuko" delakoan dago
Pedro Sanchez Espainiako Gobernuko presidenteak aitortu duenez, martxoko KPI aurreratuaren datua "txarra" da. Dena dela, espero du exekutiboak Ukrainako gerraren ondorio ekonomikoei aurre egiteko planari eta, batez ere, gasaren prezioari muga jartzeko akordioari esker, "bilakaerari buelta eman eta egonkortzea".
Kongresuan egindako adierazpenetan, Sanchezek esan du igoeraren % 73 energiaren eta elikagaien garestitze nabarmenagatik izan dela. "Igoera areagotu egin da Ukrainako gerragatik", erantsi du.
Zure interesekoa izan daiteke
Sindikatuek irmotasuna eskatu diote errektoreari, EHUren "azpifinantziazioaren" aurrean
Sindikatuek errektoretza-taldeari eskatu diote presioa egin diezaiola Eusko Jaurlaritzari finantzaketa handitzeko eta EHUko irakaskuntza eta lan-baldintzak ez hondatzeko.
Sestaoko Arcelor Mittaleko langile batek zauri larriak ditu beso batean, lanerako tresna bat gainera erorita
ELA sindikatuak lantegian ezbeharrak behin eta berriz gertatzen direla salatu du, eta langileen segurtasuna bermatzeko prebentzio neurri “erreal eta eraginkorrak” eskatu ditu.
De Guindosen esanetan euroguneko ekonomia uste baino hobeto doa eta interes-tasen maila egokia da
Europako Banku Zentraleko presidenteordearen hitzetan, Espainiako ekonomia, hazkundeari dagokionez, "ondo doa", % 3 inguruko mailarekin, gaur egun eurogunerako EBk proiektatzen duena (% 1,3 aurten) baino askoz ere maila altuagoan. Adierazi duenez, hazkunde horren atzean inmigrazioaren ondoriozko biztanleriaren hazkunde "oso garrantzitsua" dago, eta ohartarazi duenez, egungo eskaerari aurre egiteko horren beharrezkoa den "alokairuko etxebizitzaren eskaintza mugatzen ari da erregulazioa".
ELAk eta LABek Euskal Autonomia Erkidegoko Justizia Auzitegira eraman dute Confebask, soldata minimoaren alde
Sindikatuek dagoeneko formalizatu dute Confebasken aurkako demanda, Euskal Autonomia Erkidegoko Justizia Auzitegian aurkeztutakoa, patronalak Euskadirako gutxieneko soldata propio bat negoziatzeari uko egin diola iritzita.
Europako Inbertsio Bankuak 1700 milioirekin finantzatuko ditu Burgos-Gasteiz abiadura handiko trenbideko lanak
Adifen eta EIBren arabera, finantzaketa horrek bultzada "berri eta garrantzitsua" emango dio Iberiar Penintsula Europako gainerako lurraldeekin lotuko duen trenbide bidezko konexioari.
Langile bat larri zauritu da Azpeitian, eraikuntza lanetan ari zela altueratik erorita
Lan-istripua 11:45 aldera gertatu da, Iñaki Azpiazu kalean, eta 44 urteko langilea Donostia Ospitalera eraman dute.
Jaurlaritzak etxejabeentzako aseguru publiko ezartzea bat bultzatu du, erreferentziazko prezioen indizearen araberako alokairuak sustatzeko
Itxaso sailburuak azaldu duenez, Aloka+ programa berriaren bitartez "etxebizitza alokairu-merkatura ateratzeko zalantzak dituzten jabeei segurtasuna eman nahi zaie". Izan ere, aseguru publiko eta doakoa bermatuko zaie etxejabeei, maizterrek ordaintzen ez dutenerako eta kalte materialei aurre egin ahal izateko.
Hil egin da Igantzin traktorearekin istripua izan eta larri zauritu zen gizona
Ezbeharra atzo gertatu zen, 14:08 aldera, Bordako soroan. Gizona traktore txiki batekin ari zen lanean, istripua izan zuen eta ibilgailuak harrapatu egin zuen. Ezbeharraren ondorioz, beharginak zauri larriak zituen.
ENBAk eta EHNEk hegazti gripeari "zorroztasun zientifikoarekin" aurre egiteko eskatu dute, ez "neurri politikoekin"
Nekazarien elkarteen ustez, “hein handi batean landakoa, estensiboa eta ekologikoa” den Euskadiko ekoizpen-sisteman itxialdiak “gaixotasunak zabaltzeko arriskua” dakar.
Euskal taxilariek Bilbo erdigunea kolapsatu dute VTCen "inpunitatea" salatzeko
Kolektiboak hiru orduko lanuzteak egin ditu eta manifestazioa ere egin dute Bilboko kaleetan, Udaletxearen aurrean amaituta. VTC zerbitzuen "lehia bidegabea" salatu dute.