Aranburu: "Erosahalmena mantentzea defendatuko dugu, ezin dituzte ondorioak beti langileek pairatu"
Bizimoduaren garestitzearen aurrean aurtengo negoziazio kolektiboa gatazkatsua izango dela aurreikusi du Garbiñe Aranburu LABeko idazkari nagusiak. Euskadi Irratiko "Faktoria" saioan egin dioten elkarrizketan, LABek langileen erosahalmena mantentzea defendatuko duela azpimarratu du, "langileek ezin dutelako izan beti ondorioak pairatzen dituztenak". Horren esanetan, hitzarmenak behar dira, patronalak ez du oraingoz borondaterik erakutsi eta dagoeneko zenbait sektoretan grebak eta mobilizazioak iragarri dituzte, Arabako metalgintzan kasu.
Ondasunak banatu beharra ere badagoela uste du, eta ildo horretan aipatu du gutxieneko soldata bezala gehienezko soldata ere ezarri behar dela. Gainera, bereziki kezkatzen du sektore maskulinizatu eta feminizatuen artean dagoen arrakalak.
Bestalde, Confebask patronala baino urrunago joan izana aurpegiratu dio Pedro Azpiazu Eusko Jaurlaritzako Ogasun sailburuari, KPIaren araberako soldata igoerak ezinezkoak direla eta bestelako erreferentzia batzuk hartu beharko liratekeela esateagatik. "Onartezina iruditzen zaigu ardura politiko bat duen pertsona bati horrelako adierazpenak entzutea", adierazi du Aranburuk.
Martxoko langabezia eta kontratuen datuak hizpide, azken lan erreformaz aritu da LABeko ordezkaria. Horren esanetan, lan erreformaren eragina izan da kontratazio mugagabeak ugaritzea, baina nolabait ondorio positiboak neutralizatuta gelditzen dira bestelako neurri batzuk hartu ezean. Ildo horretan, ez du uste lan erreforma berria aurrerapausoa denik.
LABek lan erreformaren ondorio larrienak negoziazio kolektiboaren bidetik borrokatzen jarraituko duela azaldu du Aranburuk. Dena dela, behar izanez gero, mobilizazio orokorragoak egitea aztertuko dute. "Momentu honetan ekintza sindikalaren bidetik lan erreformaren ondorioak gainditzeko bidean gaude", gehitu du.
Bestalde, Garbiñe Aranbururen iritziz, energia enpresa handien irabaziak gehiago zergapetu behar dira. Horri lotuta, kezkatuta mintzatu da Madrilgo Erkidegoko presidenteak EAEra egingo duen bisitaren baitan patronalak zerga sistema aldatzeko presioa egin diezaiokeelako Eusko Jaurlaritzari.
Zure interesekoa izan daiteke
Laborarien protestak ez dira amaitu Ipar Euskal Herrian, eta A-63 errepidea itxita dago oraindik
Sindikaturik gabeko Ultra 63 mugimenduko langileek Mercosurren akordioa eta dermatosi nodularraren kontra akabatze masiboak bertan behera uzteko eskatu dute. Laborariak Pirinio Atlantikoetako prefetarekin bildu dira, eta batzar emankorra izan da, baina protestekin jarraitzea ebatzi dute.
Eusko Jaurlaritzak uste du Mercosurrekiko akordioa "aukera argia" dela euskal industriarentzat
Muga-zergak pixkanaka kentzeak euskal enpresei kostuak "nabarmen" murriztea ekarriko diela azpimarratu du.
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Balizko akordio bati azken zertzeladak ematen ari dira EB eta Mercosur, nekazarien protesten artean
Frantziak, Hungariak eta Irlandak publikoki esan dute uko egingo diotela itunari, baina azken orduetan Italiako Atzerri ministro Antonio Tajanik adierazi du begi onez ikusi dutela Europako Batzordeak egindako azken askaintza.
Langile bat hil eta beste bat zauritu da Urruñan, eraikuntza-lanetan ari zirela
Istripua goizeko 09:15ak inguruan izan da, ur-biltegi bat eraikitzeko lanetan.