Etxeko eta zaintzako langileek elkarretaratzea egin dute Iruñean, euren eskubideak aldarrikatzeko
Etxeko eta zaintzako langile talde bat Iruñeko Sarasate pasealekuan elkarretaratu da larunbat honetan, euren lan eskubideak defendatzeko eta, zehazki, kolektibo horrek duen Gizarte Segurantzaren erregimen bereziaren eliminazioa eskatzeko.
LAB sindikatuak, SOS Racismo Navarrak eta etxeko langileen elkarteek deitu dute elkarretaratzea. Pankarta batean, lelotzat eraman du hurrengo esaldia: "Eskubide guztiak etxeko eta zaintzako langileentzat".
Halaber, parte hartzaileek plastikozko amantalak eraman dituzte, "Laneko osasuna orain", "Langabezia prestazioa orain", "Etxeko langileak borrokan" edo "Diskriminaziorik ez" bezalako leloekin.
Deitzaileen bozeramaile batek adierazpen bat irakurri du. Martxoaren 30ean Etxeko eta Zaintzako Langileen Nazioarteko Eguna izan zen eta, hori dela eta, "sektore honetako langileok bizi dugun diskriminazio egoera" salatu dute, "langile gisa baina baita pertsona gisa ere".
Nabarmendu duenez, 2012an etxeko langileen Erregimen berezia "inposatu" zieten eta horrek, "erregimen orokorrean erabat sartzetik eta lan baldintza duinak bermatzetik urrun, erabateko diskriminazio eta zaurgarritasun egoera ekarri digu. Egoera horrek hedabideetara jauzi egin du berriki, Estrasburgoko Auzitegiaren epaiak onartu baitu langile gisa diskriminatzen gaituztela".
Etxeko eta zaintzako langileek berretsi dute ez dutela langabeziarako eskubiderik, "orotariko indarkeriak" pairatzen dituztela, "amaigabeko lanaldiak" egiten dituztela, prekarizatuta daudela eta "lan baldintza okerragoak" eskaintzen zaizkiela egoera irregularrean egoteagatik, edo "paperak eskuratzeko xantaia" egiten dietela.
"Nazkatuta gaude itxaroteaz, nazkatuta gaude promesa faltsuez. Nazkatuta gaude berdintasunari buruz eta pertsona orok eskubide berdinak dituen gizarte batean bizi garela entzuteaz", adierazi dute oharrean.
Hori dela eta, erakunde eta administrazio publikoei eskatu diete etxeko langileen Erregimen berezia kentzeko, LANEko 189 Hitzarmena lehenbailehen berresteko eta langabeziagatk prestazioa kobratzeko eskubidea izateko.
Gainera, Laneko Arriskuen Prebentziorako Legean sartzeko eskatu dute, Atzerritarrei Buruzko Legea abolitzeko eta egoera irregularrean dauden pertsona guztiak baldintzarik gabe erregularizatzeko.
Aldarrikapenok "argiak eta irmoak dira, eta nola edo hala lortuko ditugu. Ez gara beste minutu batez isilik egongo. Ez dugu biktimizatu nahi, etxeko eta zaintzako langileok subjektu politikoak garelako. Ez dugu ezer oparitzerik nahi, eta ez dugu karitatezko neurririk eskatzen", baietsi dute langileek.
"Eskatzen duguna gizarte justizia kontua da. Borroka hau hasi besterik ez da egin. Horregatik, deia egin nahi diegu gure lankide guztiei, langileei, beste sektore feminizatuetako kideei, mugimendu feministari, mugimentu antiarrazistari eta, oro har, gizarteari, borroka honetara batu daitezen", gaineratu dute.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".