"Bukatu dira aitzakiak eta justifikazioak. Errotik egindako aldaketak behar ditugu" aldarrikatu du LABek
"Altxa! Egin dezagun posible. Zaintza, enpleguaren eta banaketaren alde" lelopean egin ditu LAB sindikatuak Maiatzaren Lehen honetan, Langileen Eguna ospatzeko eta aldarrikatzeko deitutako mobilizazioak. "Gobernuentzat, pertsonak zaintzea, pertsonak erdigunean jartzea, eslogan hutsa bihurtu da. Ez da behar diren aldaketak bultzatzeko eztabaidarik edo neurririk bultzatzen" salatu du Garbiñe Aranburu idazkari nagusiak Bilbon, manifestazio nagusian.
"Bukatu dira aitzakiak eta justifikazioak. Errotik egindako aldaketak behar ditugu" aldarrikatu du Araburuk 11:00etan Zabalburu Plazatik abiatu eta hiriburuko kale nagusiak zeharkatu ondoren, bere hitzaldia entzuten ari ziren kideen aurrean.
Bilboz gain, Donostian, Gasteizen, Baionan, Maulen, Iruñean, Lizarran, Tafallan, Tuteran, Eibarren, Beasainen eta beste hainbat herritan ere izan dira mobilizazioak.
Aranburuk lan eta gizarte berdintasuna, zaintzaren duintasuna eta Pedro Sanchezen Gobernuaren jarraipen itsusik egin gabe, Euskal Herritik egindako politikak defendatu ditu. LABeko idazkari nagusiak nabarmendu duenez, "birbanaketari buruzko eztabaida soziala behar dugu, ondorioak berriro langileen bizkar geratzea saihestuz".
"LABek ez du ontzat emango eta ez du parte hartuko langileen eros ahalmenaren galera onartzea dakarren errenta-itunik" esan du Aranburuk, Espainiako Gobernuak egindako proposamenari erreferentzia eginez.
Egungo krisia "kapitalismoak" eta "azken hamarkadetan ezarritako politika neoliberalek" eragin dute LABen iritziz, eta ez "pandemiak edo Ukrainako gerrak". Aranburuk lan-kode propioa eta Gizarte Segurantzaren lege propioa aldarrikatu ditu.
Nabarmendu du, halaber, urtean 500 milioi euro gehiago bildu ahal izango lituzketela zerbitzu publikoek enpresei zerga-aldaketak eginez gero.
"Foruaren Amejoramenduarekin egindako akats historikoa konpontzeko" eskatu dio LABek Chiviteri
Ildo berean, Imanol Karrera LABeko Nafarroako bozeramaileak Iruñean esan du "egoera jasanezin honen aurrean" beharrezkoa dela zaintza lanen banaketa eta duintasuna, eta horretarako funtsezkoa dela "lanaldia murriztea". "Garrantzitsua da enplegua banatzea, baina baita zaintza-lanak aitortzea ere"; izan ere, "emakumeak bakarrik arduratzen dira horretaz", salatu du, eta "ez dute errekonozimendu ekonomiko eta politikorik".
EAEn Aranburk egin bezala, zerbitzu publikoen hobekuntza eta "bidezko zerga-erreforma" aldarrikatu ditu.
Maria Chivite Foru Gobernuko presidenteari Nafarroarentzako "politika propioak" eskatu dizkio, "Madrilgo neurrietara mugatzeak Nafarroako herritarrei kalte egiten baitie" esan du Karrerak.
Era berean, duela 40 urte Foruaren Amejoramentua onartu zela gogoratuz, "proposamen guztiz baztertzailea" izan zela salatu du, "Nafarroako herritarren % 33 alde batera utzi zituelako". Hori dela eta, "akats historiko hori zuzentzeko eta Nafarroako herritarrei hitza eta botoa emateko" eskatu dio Chiviteri, "Nafarroak zein estatus politiko nahi duen eta zein eredu ekonomiko eta sozial nahi duen erabaki ahal izan dezan", "Madrilen ezinezkoak diren aldaketa guztiak hemen posible egiteko".
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.