Hezkuntza Sailak 6.300 lanpostu baino gehiago deituko ditu aurten, oposizioetan eta meritu lehiaketetan
Eusko Jaurlaritzako Hezkuntza Sailak 6300 lanpostu baino gehiago eskainiko ditu 2022an, oposizioetan eta meritu lehiaketetan. Gaur goizean, bilera egin dute Hezkuntza Saileko ordezkariek eta sindikatuek, eta bertan eman diete prozesuen berri langileen ordezkariei.
4.357 plaza irakasleei zuzenduta egongo dira: 1.798 plaza merezimendu-lehiaketaren modalitatean eskainiko dituzte; 747 plaza, kanporatzailea ez den oposizio-lehiaketa bidez; eta 1.812 plaza, oposizio-lehiaketa arruntaren bidez.
Irakasleentzako plaza horiez gain, Hezkuntza Sailak beste 985 plaza ere deituko ditu, Hezkuntza Bereziko eta Sukalde eta Garbiketako langileentzat.
Halaber, urte amaierarako, 1.000 lanpostu inguru gehiago eskainiko dituzte, 2022ko birjartze-tasari lotutakoak.
Hezkuntza Sailak azaldu du aurrerago argitaratuko dituela deialdiak eta orduan zehaztuko dutela noiz izango diren probak.
Bestalde, ELA sindikatuak adierazi du Eusko Jaurlaritzak eskainiko dituen plazak ez direla nahikoa, Euskal Autonomia Erkidegoko irakaskuntza publikoan 13.000 behin-behineko langile daudelako.
Legearen arabera, behin-behinekotasun tasa % 8ra murriztu behar da, baina proposamen horrekin "helburua betetzea ezinezkoa" izango dela ohartarazi du ELAk.
Hortaz, "ez dira Europak agindutako irizpideak beteko eta behin-behinekotasun tasak % 41tik gora jarraituko du", salatu du sindikatuak.
Betebeharreko baldintzak
Administrazio eta enpresa publikoetako lanpostuak egonkortzeko ezohiko prozesuak abian jartzeko baldintzak zehazten dituen araudiaren arabera, 2016a baino lehen sortutako eta behin-behineko langileek betetako lanpostuak merezimendu-lehiaketaren bidez eskaini beharko dituzte.
2020ko abenduaren 31 baino lehen hiru urtez jarraian behin-behineko langileekin bete diren lanpostuak, berriz, oposizio-lehiaketa ez kanporatzailearen bidez eskainiko dituzte.
Hutsik dauden gainerako plaza guztiak, ostera, ohiko oposizioen bidez esleitu beharko dira.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.