Gasaren prezioari muga jartzeko neurria "egun edo aste gutxi barru" indarrean izatea espero du Riberak
Gasaren prezioari muga jartzeko eta kontsumitzaileen faktura elektrikoa murrizteko mekanismoa, "egun edo aste gutxi barru guztiz martxan" izatea espero du Teresa Ribera Espainiako Gobernuko hirugarren presidenteorde eta Trantsizio Ekologikorako ministroak.
"Espainiak eta Portugalek xedapenak hartzeko azken fasea baliatzea da garrantzitsuena orain", azaldu du ministroak Senatuaren ateetan.
Europako Batzordeak "eskema onartu du, baina komisarioek erabaki formala hartu behar dute orain, mekanismoa aplikatu ahal izateko", hirugarren presidenteordeak adierazi duenez.
Bestalde, Isabel Rodriguez Espainiako Gobernuko bozeramaileak ezohiko Ministroen Kontseilua iragarri du ostiralerako, neurria martxan jartzeko asmoz.
"Mekanismo guztia definiturik eta Europako Batzordeak egindako eskaeretara egokitu dugu. Bi gobernuen erabakiak bat datozela egiaztatu eta aldi berean onartu nahi dugu indarrean sartzeko", nabarmendu du Rodriguezek.
Atzo arratsaldeko azken orduan, Bruselak argitu zuen Europako Batzordeak oraindik ez duela erabaki "formalik" hartu Espainiak eta Portugalek egindako proposamen iberiarrari buruz, eta bi herrialdeetako agintariekin harremanetan jarraitzen duela neurriaren diseinua zehazteko.
Antonio Costa Portugalgo lehen ministroak gasaren prezioari gehienezko muga hori jartzeko oniritzia bazutela iragarri ondoren etorri zen Europako Batzordearen azalpena.
Hala ere, Europako Batzordeko bozeramaile batek zehaztu du Europako Batzordeko Lehia zerbitzuek Madrili eta Lisboari helarazi zietena "aurretiazko azterketa" zela, eta oraindik informazioa egiteke zegoela, baina jakinarazpen formala "laster" iristea espero duela.
Zehazki, Bruselak "adostasun-gutuna" bidali zien bi hiriburuei. Gutun horretan, Europar Batasuneko agintariek behin betiko oniritzia emango dutela bermatzen dute, Ministroen Kontseiluan onartzen den azken araudia jakinarazitakoarekin bat badator, iturri diplomatikoek gaineratu dutenez.
Atzo, Teresa Ribera Espainiako Trantsizio Ekologikorako ministroak ez zuen baztertzen neurria aste honetako Ministroen Kontseilutik pasatzea, baina azkenean atzeratu egingo da, joan den astean egin zuten bezala.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.