"Lankidetza ekonomia" eta "indarrak batzea" beharrezko jo ditu lehendakariak, krisiari aurre egiteko
Iñigo Urkullu lehendakariak "lankidetza ekonomia", "indarrak batzea" eta auzolanaren filosofia aldarrikatu ditu "pairatzen ari garen ekaitzei " aurre egiteko, Ukrainako gerrak eragindako ziurgabetasun egoeraren baitan.
Urkulluk ASLE lan-baltzuen enpresa elkartearen batzar nagusiaren irekiera ekitaldian hartu du parte, Gasteizen, elkarteak 40. urtemuga ospatzen zuela eta. Lehendakariarekin batera, Idoia Mendia Lan eta Enplegu sailburu eta bigarren lehendakariordea izan da ekitaldian. Mendiak "errenten gaineko akordioa" eskatu du sindikatuen eta enpresen artean, "inork gal ez dezan garai zailetan edota transformazio handien sasoian".
Lehendakariaren hitzetan, ASLE elkarteak (sozietate mota horiek bultzatzeko 1979an sortutako elkartea) lankidetza ekonomiaren edo ekonomia sozialaren "adierazle onena" da. Urkulluk azpimarratu duenez, ekonomia mota horrek "euskal ereduaren lehentasunekin eta balioekin bat egiten du: autogobernurako gaitasuna, enpresa gehienen lurralde errotzea, ekonomia sozialaren pisu handia eta gizarte zibil indartsu bat".
"Zailtasun handiko bi urte eta erdien" errepasoa egin du Urkulluk hitzaldian. Kontaketa Alberto Sololuze eta Joaquin Beltran Zaldibarreko zabortegia amildu zenean hildako langileekin "oroitzapen sentitua" gogora ekarrita abiatu du. "Gero, birus ezezagun batek eragindako pandemia etorri zen, milaka hildako eta osasun, ekonomia, eta gizarte krisia ekarri duena, baita krisi emozionala ere", gaineratu du.
Horren aburuz, bi urteotan "zurrunbiloan" egon da Euskadi, eta erakundeek "hurbiltasunez jokatu dute, erabakien artean oreka mantendu nahian. Batzuetan ziurgabetasunarekin eta hutsegiteekin, baina beti jarrera proaktibo batekin", adierazi du asteazkeneko bere hitzak gogorarazita. "Egonkortasun instituzionala mantentzen saiatu gara, Estatuan zegoen tentsio handia eta sumindura politikoaren testuinguru horretan".
Arlo sozio-ekonomikoan, gogorarazi du euskal erakundeek 5.000 milioi euroko aparteko inbertsioak egin dituztela, "kohesio soziala eta garapen ekonomikoa uztartuz".
Ukrainako gerrak eragindako "ziurgabetasun globala" hizpide, gatazkak eragindako milaka hildakoak eta pertsona errefuxiatuak aipatu ditu, eta jardueran ekonomikoan izandako eraginak zerrendatu ditu: "hornidura-kateen haustura, energiaren eta elikagaien prezioen igoera, eta inflazio mailaren igoera; oraindik ez dakigu zer bilakaera izango duen".
Mendiak "errenten gaineko akordioa" eskatu du
Bestalde, Idoia Mendia Lan eta Enplegu sailburu eta lehendakariorde bigarrenak ohartarazi duenez, "beharrezkoa da gizarte eragileek, patronalek eta sindikatuek errenten gaineko akordioa adostea, inork galdu ez dezan, gauzak ondo doazenean zein txarto daudenean".
Mendiaren aburuz, lan-baltzuetan "liskarraren ordez, lankidetzaren" alde egiten da, "denek irabazteko", eta eredu egokia direla erantsi du.
ASLE elkartea bera ere "erreferentea" dela uste du sailburuak: "Errotuta dauden baina munduari begiratzen dioten enpresak dira, etekinak bilatzen dituztenak, eta etekinok berrikuntzara eta enplegura bideratzen dituztenak. Modu demokratikoan funtzionatzen dute, eta langileak arrakastaren berme dira".
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.