Arabak abenduaren 1era arte luzatu du TicketBain sartzeko epea
Arabako Foru Aldundiak abenduaren 1era arte luzatuko die epea urrian TicketBai sisteman sartu behar zuten zergadunei. Horrez gainera, jakinarazi du 60 urtetik gorako autonomoak salbuetsiko dituela sistema hori ezartzetik.
Joan den apirilaren 1etik, iruzur fiskala saihestu nahi duen fakturazio- eta kobrantza-sistemak kontrolatzeko tresna hori nahitaezkoa da Foru Aldundiaren erakunde laguntzaile diren aholkularientzat.
Uztailaren 1etik aurrera, berriz, sendagaien, osasun-produktuen eta higiene pertsonaleko produktuen txikizkako salmentarekin lotutako profesionalak eta jarduera ekonomikoak sartuko dira, eta urriaren 1ean ezarri zen gainerako zergadunak, enpresak eta autonomoak sartzeko data. Orain, azken epe hori abenduaren 1era arte luzatuko dute, Itziar Gonzalo Ogasun, Finantza eta Aurrekontu diputatuak ostiral honetan jakitera eman duenez.
Gonzalok esan du neurri horiek Aldundia SEA, Gasteiz On eta Aenkomerrekin elkarlanean egiten ari den "entzute aktiboko" prozesuaren emaitza direla.
Salbuesteak 3.000 zergadun ingururi eragingo die, eta, Gonzaloren arabera, erabaki hori hartu dute "erretirotik gertu eta, ondorioz, jardueraren amaieratik gertu dauden pertsonei inbertsio-ahalegina egitea saihesteko".
Bestalde, abenduaren 1era arteko luzapena Foru Ogasunak fakturazio-sistemetako egokitzapen-gastuen % 60ko kenkari zabalduari ahalik eta zergadun gehien atxiki ahal izateko duen borondatearen ondorio dela azpimarratu du.
Gaur egun, Arabako Ogasunera bidalitako TicketBAIko fakturen zenbateko osoa 186 milioi eurokoa da.
Zure interesekoa izan daiteke
Osakidetzako lan-eskaintza berriaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta horietatik, 2.160 berriak izango dira.
Sindikatu eta abokatuek interinoen "finkotasuna" eskatzen dute Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain geldirik dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak finkotasuna ezinbestekotzat jotzen dute. ELAkk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi dutenei Iberiak eskainiko die Panamara joatea, eta handik, uhartera. Habanan dituen bulegoak zabalik izango ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.