Garamendik (CEOE) "aurrekontu-zorroztasuna eta ekonomia-ortodoxia" eskatu ditu, KPIa kontrolatzeko
CEOEko presidente Antonio Garamendik "aurrekontu-zorroztasuna eta ekonomia-ortodoxia" eskatu ditu, ostiral honetan, KPIa kontrolatu ahal izateko eta goizean jakitera eman dituzten datuak "estrukturalak" izan ez daitezen. Halaber, "Aurrekontu Orokorrak berrikustea" galdegin du, bai eta Toledoko Ituna biltzea ere; azken bilera horretan, pentsioak eta funtzionarioen soldatak izango lituzkete hizpide, eta aztertuko lukete "nola dabiltzan hitzarmen kolektiboak".
Garamendik, Gasteizen, SEAren Batzarrean, hitzaldia eman du, "Ekonomiaren erronka eta ziurgabetasunen aurreko erronkak eta etorkizun-gakoak" izenburupean. Aurretik, eta kazetarien galderei erantzunez, ostiral honetan argitaratutako KPIaren datuez hitz egin du.
Testuinguru horretan, ohartarazi du inflazioa "arazoa" dela, "hainbat urtez gogoan izan ez dugun aldagaia". "Ekonomialari guztiek esaten ziguten maila koiuntural batetik joatekoa zela, baina azkenean ematen du estrukturalagoa izango dela", deitoratu du.
Horrela, nabarmendu duenez, inflazioa estruktural bilakatzekotan, "lehiakortasunaren arazoa oso larria izango da". "Gure herrialdea kanpo-merkataritzagatik dabil ondo… BPGaren % 34 kanpo-merkataritza da, eta kezkatuta gaude", onartu du.
"Jakin behar dugu zer dugun gainean"
Haren iritziz, KPIa kontrolatzeko beharrezkoa da "zorroztasuna" izatea aurrekontuetan, "eta ortodoxia, ekonomian": "Jakin behar dugu zer dugun gainean. Ekonomia globala da, mundu-mailakoa. Gauza bat da zer gustatzen zaigun gertatzea, eta beste kontu bat da zer neurri hartu behar diren hau dena ondo ibiltzeko: aurrekontu-zorroztasuna, eta ekonomia-ortodoxia", berretsi du.
Horregatik, Garamendik galdegin du "Aurrekontu Orokorrak berrikustea", bai eta Toledoko Itunak bilera egitea: "Oso garrantzitsua da pentsioez hitz egitea, funtzionarioen soldatez ere bai, eta aztertu behar da hitzarmen kolektiboak nola dauden", argudiatu du.
Ildo horretan, ziurtatu duenez, errenta-itunaz hitz egiteko, "beharrezkoa da gizarte osoa mahaian esertzea benetan eztabaidatzeko, arazoa ez baita arina".
Soldata-igoerak
Soldata-igoerei dagokienez, Garamendik adierazi du CEOEk ez duela "inondik inora" esan ezin direnik gauzatu, baina aztertu behar dela zein sektore dauden beste batzuk baino hobeto.
"Lehiakortasunaz, produktibitateaz, enpleguaz… hitz egin beharko dugu. Ez gaude ados kopurua esatearekin, baizik eta inflazioaren araberakoa izatearekin", zehaztu du: "enpresak ari dira sufritzen inflazioagatik", azpimarratu du.
"Gardentasun-kontua da, guztion artean hitz egin behar da, adostea, baina errealismotik. Ez diogu ezetz, baizik eta errealistak izan gaitezela", berretsi du.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.