Argindarraren prezioak % 4,15 gora egin du iberiar salbuespenaren hirugarren egunean
Argindarraren prezioak % 4,15 gora egingo du ostiral honetan, handizkako merkatuan, ostegunarekin alderatuta, gas naturalaren prezioari muga jartzeko iberiar salbuespenaren hirugarren egunean.
Konkretuki, batez beste megawatt orduko 177,90 euroko salneurria izango du argindarrak ostiral honetan, gaur (megawatt orduko 170,81) baino 7,09 euro gehiago, hain zuzen ere.
Horrela, berriztagarrien tarifako bezeroek megawatt orduko 266,38 euro ordainduko dituzte batez beste, ostegunean (megawatt orduko 259 euro) baino % 2,8 gehiago.
Hala ere, Trantsizio Ekologikorako Ministerioaren arabera, mekanismorik gabe, megawatt orduko 300 euro inguru ordaindu beharko lirateke. Ondorioz, tarifa arautuko bezeroak megawatt orduko 33 euro inguru aurrezten ari dira, % 11,2 gutxiago.
Horrela, Ministerioaren ahotan, "argindarraren prezioa murrizteko, enpresa elektrikoen ezohiko mozkinak mugatzeko eta gasaren prezio altuen aurrean eusteko eraginkortasuna agerian geratu da".
Europako beste herrialde batzuetan merkatu elektrikoaren egoera antzekoa da: Frantzian megawatt orduko 303 euro ordainduko dituzte, Alemanian 255 euro eta Italian 327 euro.
Bero-boladak eta eskaera handiak testuingurua baldintzatzen ari dira, argindarraren ekoizpenean gas zentralen parte-hartze handia beharrezkoa baita. Ministerioaren hitzetan, "aurkako testuinguruan, mekanismoa erabilgarritasuna demostratzen ari da muturreko egoeratan".
Duela urtebete atzera eginez gero, argindarra % 91 garestiagoa izango da ostiral honetan. 2021eko ekainaren 17an megawatt orduko 93 euro ordaindu ziren.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.