"Arabako Mahastiek" baimena eskatu dute Espainian Errioxako ardoa euren jatorri-izenaz saltzeko
ABRA Arabako Errioxako Upategien Elkarteak Eusko Jaurlaritzari eskatu dio Espainian "Arabako Mahastiak" etiketako ardoa saltzeko baimena izatea, Europar Batasunak jatorri izen horretarako abala eskatzen duen espedientea erabakitzen duen bitartean. Jaurlaritzaren iturriek baieztatu dute eskabidea jaso dutela; hori bai, behin-behinekoa litzateke, kontuan izanik Bruselak ABRA Arabako Errioxako Upategien Elkarteak eskatutakoari oniritzia ematen dion ala ez adierazi behar duela. Europar Batasunak eskabideari ezezkoa emango balio, ABRA elkarteak marka hori baztertu beharko luke; Errioxa Jatorri Izena Arautzeko Kontseiluak erabateko desadostasuna agertu du etiketa horrekiko.
Arabako ardoetarako berezko jatorri izena sortzeko proiektua 2016an hasi zen; orduan, 40 bat upategik eskatuta, ABRAk horretarako prozedura abiatu zuen. Urtebete geroago geldiarazi egin zuten prozedura hura; izan ere, orduan, Errioxa Jatorri Izena Arautzeko Kontseiluak bere ardoek desberdintzapen handiagoa izatea onartu zuen, eta aukera zabaldu zuen etiketetan islatzeko botilak zein eskualdetan edo udalerritan sortuak ziren.
2019an, ABRAk eskaria berraktibatu zuen; izan ere, bere iritziz, desberdintzapen hark ez zuen betetzen espero zutena. Gerora, 2021eko martxoan, Eusko Jaurlaritzak oniritzia eman zion "Arabako Mahastiak" jatorri izena tramitatzeari.
Errioxa Jatorri Izenak helegitea aurkeztu zuen "jatorri izen berri eta artifiziotsu horren aurka", baina Eusko Jaurlaritzak baztertu egin zuen, eta espedientea Nekazaritza, Arrantza eta Elikadura Ministeriora bidali; izan ere, Ministerio horrek du eskumena Europar Batasunaren aurreko erregistroa betetzeko. Garai horretan, espainiar ministro Luis Planasek esan zuen jatorri izen hura ez zuela gogoko, kontuan izanik Errioxa Jatorri Izena "benetako erreferentzia" dela, "nazioarte mailan", bai eta "Europar Batasunean balio handienetakoa duten ikurretako bat" ere.
Planasek gehitu zuenez, "batzen duena ondo dago, eta kentzen duena, aldiz, ez da egokiena"; nolanahi ere, argi utzi zuen gaia upategietako arduradunek konpondu behar zutela, eta Ministerioak eskabidea bideratu behar zuela Bruselaren aurrean.
Errioxako Gobernua ere, aurka
Errioxako Gobernua ere marka horren aurka azaldu da; esan duenez, "konfrontazioa" du ardatz, "merkatuetan eta kontsumitzaileen artean nahasmena sortu nahi du", eta, gainera, "ez du babes espezifikorik izateko beharra justifikatzen duten elementu bereizgarririk". Beti aldeztu izan du Errioxa Jatorri Izenak autonomia erkidegoez gaindiko jatorri izen gisa duen batasuna; Nafarroa, Euskadi eta Errioxa daude tartean.
Espedientea Europar Batasunak du, baina baliteke ebazpenak luze jotzea; hori dela eta, ABRAk erabaki du Eusko Jaurlaritzari eskatzea behin-behinean "Arabako Mahastiak" marka erabili ahal izatea, hasiera batean, Espainian soilik.
Arantxa Tapia sailburuak zuzentzen duen Ekonomiaren Garapen, Jasangarritasun eta Ingurumeneko Sailak izango du ardura eskariari erantzuna emateko; ez dago zehaztuta noizko egin behar duen, kontuan izanik horrelako kasurik ez dela araututa, Sailaren iturriek EFEri esan diotenez.
Egun, ez dago argi zenbat upategik nahi duten baliatu etiketan "Arabako Mahastiak" izena; duela sei urteko ekimenarekin bat egin zuten 40 upategietako asko ez omen daude orain proiektuan epe horretan hala erabaki dutelako.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.