Arabako Mahastiak sortzeko Errioxa jatorri-izena utzi nahi duten upategiak babestuko ditu Jaurlaritzak
Arantxa Tapia Ekonomi Garapenerako sailburuak azaldu duenez, lurralde historikoko upategiek Arabako Mahastiak osatu nahi baldin badute, Exekutiboak horretarako "aukera" emango die, baina erabaki "guztiz pribatu" bat dela gaineratu du.
Errioxa jatorri-izenetik at, sor-marka berri bat sortzeko Arabako Mahastien espedientea bidali dio Nekazaritza Ministerioak Bruselari. Europak erabaki bat hartu baino lehen, Eusko Jaurlaritza baimena emateko prest badago, galdetu diote sailburuari, ekoizleek hala eskatuz gero.
"Upategi talde batek jatorri-deitura osatzea interesgarri ikusten baldin badu; noski, egiteko aukera emango diogu, erabaki erabat pribatua da, negozio pribatuena baita. Errioxa jatorri-izenetik ateratzeko arriskua hartu behar badute, beste sor-marka batera alde egiteko, eurak pentsatu beharko dute. Guri ekintza administratiboa soilik aurrera eramatea dagokigu", zehaztu du.
Arabako Mahastiak jatorri-izena sortzeko espedientea Europako Batzordera bidali izanak ez du Errioxa Jatorri Izena Arautzeko Kontseilua "ezustean" harrapatu, baina, "noski, nahigabetu du", Jose Luis Lapuente zuzendari nagusiak onartu duenez.
"Alderdi klandestino batean jaio den proiektu bat da, oinarri definiturik gabe, modu artifizialean, eta, ondorioz, ez luke aurrera egin beharko, Errioxa jatorri-izenaren iritziz", esan du Lapuentek.
Bestalde, Errioxa "markaren" balioa azpimarratu du Luis Planas Nekazaritza ministroak Senatuan. Ministroak Idurre Bideguren ERC-EH Bildu taldeko senatariaren galderari erantzun dio Ganberako Nekazaritza Batzordean.
Zure interesekoa izan daiteke
Testa funtsak 500 familia kalean utzi nahi dituela salatzeko manifestazioa deitu dute Iruñean
Etxebizitza horiek parke publikoaren parte izatera pasatzeko eskatzen dute bizilagunek. Manifestazioa urriaren 17an izango da, 17:30ean, Baluartetik abiatuta.
497 milioi euro bideratuko dituzte Loiu, Foronda, Hondarribia eta Noaingo aireportuak berritzera
Aireportuen bolumena handitzea, eraginkortasuna zein segurtasuna indartzea eta zerbitzuaren kalitatea hobetzea dira helburuak.
Confebaskek ituna eskatu du Euskadiko lehiakortasuna hobetzeko
Confebaskeko presidente Tamara Yaguek Pradalesi eskatu dio herrialde-itun bat bultzatzea lehiakortasuna eraldatzeko eta erronka demografikoari eta talentu faltari aurre egiteko.
Sarriguren handitzeko planak 6.000 etxebizitza aurreikusten ditu, horietatik % 70 eta % 80 bitartean babestuak
Foru Gobernuak hirigintza planak desblokeatzeko eta arintzeko duen lan lerroari jarraikiz ari dira garatzen plana. Horrekin asmo dute "arrazoizko prezioa duten etxebizitzak eraikitzea, gizartearen beharrizanak eta eskariak kontuan izanda", nabarmendu du Chivitek.
Donostiako Udalak eguzki planta berri bat eraikiko du Martutenen, 11 udal eraikin hornitzeko
Arantzazuko Ama instalazioak urtean 90.000 kWh baino gehiago ekoitziko ditu, eta ekipamendu publikoen autokontsumoa zabalduko du, Iñigo Garcia Donostiako Ingurumen eta Hiri Mantentze eta Zerbitzuetako zinegotziak adierazi duenez.
Greban dauden Zarauzko eta Bergarako IATetako langileek salatu dutenez, "inguruko herriak kolapsatzear daude"
Duela 68 egun ELAk deitutako greban dauden IAT zentro horietako langileek. "Gatazkan esku hartzeko" eskatu diote Jaurlaritzari, "zerbitzu publikoa izanik, erantzukizuna berea ere badelako".
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da; %2,9an dago.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.