Energia aurrezteko dekretua aurrera atera dadin beharrezko babesa lortzea espero du Espainiako Gobernuak
Ostegunean Diputatuen Kongresuan energia aurrezteko dekretua aurrera ateratzeko beharrezko babesa izatea espero du Espainiako Gobernuak. Hala adierazi du Isabel Rodriguez Lurralde Antolamendurako ministro eta Espainiako Gobernuko bozeramaileak Ministroen Kontseiluaren osteko prentsaurrekoan: "Alderdi politikoekin elkarrizketak amaitzen ari gara".
Bi egun barru egingo da bozketa, baina gaur gaurkoz Gobernuak ez du baieztatu lege-dekretua aurrera ateratzeko nahikoa babes ote duen. Gauzak horrela, talde parlamentario guztiei dekretuarekin bat egiteko dei egin die. "Ez litzateke bestelakorik ulertuko", ziurtatu du.
PPk gobernatutako hainbat autonomia erkidegok dekretua atzera botatzeko eskatu badie ere, Sanchezen Gobernuak energia aurrezteko planari eutsi dio.
Prentsaurrekoan Rodriguezek Alberto Nuñez Feijoo PPko buruzagiaren aurka egin du, dekretua gaitzesteagatik, eta adierazi du haren esku balego ez litzatekeela garraio publikoan doakotasunik egongo, ezta beken igoerarik ere. Bi politika horiek Gobernuak baliozkotu nahi duen planaren parte dira.
Gainera, PPk aire girotua igotzea edo berogailua jaistea bezalako neurriak arinkeriatzat jotzea kritikatu du Gobernuko bozeramaileak, eta jarrera hori "ukatzailea" eta "oztopatzailea" dela iritzi dio. Halaber, zalantzan jarri du PPk abuztuaren 1ean onartutako dekretua irakurri izana.
Ministroaren arabera, lehen neurri-sorta horrekin Espainiak Europar Batasunarekin duen konpromisoa bete nahi du, kontsumoa % 7 murrizteko eta "mehatxu bati aurre egiteko"; izan ere, "Putinek gasa itxi nahi dio Europari", energia "arma" gisa erabili nahi du eta horren guztiaren aurrean dio Europa "babestu" egin behar dela.
Diputatuen Kongresuak ezohiko bilkura deitu du ostegun honetarako, eta bertan energia aurrezteko dekretua baliozkotzea edo indargabetzea eztabaidatuko du. Rodriguezek adierazi duenez, PPren ezetzaren berri baino ez dute, eta babes nahikoa izatea espero dute, plana "zentzuzkoa delakoa, eta ez litzatekeelako kontrakorik ulertuko talde politikoen aldetik".
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.