TicketBai ezartzeari "beldurrik ez izateko" eskatu die denda txikiei Gipuzkoako Foru Aldundiak
TicketBai online fakturazio-sistema berria martxan da Euskadin. Gipuzkoan, 12.000 autonomok bat egingo dute gaurtik aurrera proiektuarekin. Lehendik daudeni batuta, Foru Ogasunak aurrreikusitako zergadunen % 44 egongo da horrenbestez sistemaren barruan.
Aurrerantzean, mediku, albaitari, abokatu, arkitektu edo beste milaka profesional autonomok faktura egiten duten unean bertan Ogasunera bidaliko dute QR kode baten bitartez. Helburua? Zerga iruzurrari aurre egitea.
Jokin Perona Gipuzkoako Foru Aldundiko Ogasun eta Finantza diputatuak Radio Euskadiko "Boulevard" saioan adierazi duenez, Gipuzkoako Foru Aldundiaren prozesu osoa datorren urteko ekainaren 1ean amaitzea espero da.
Sistema berri honekin "digitalizazioan beste urrats bat" eman nahi dela azaldu du Peronek, "zerbitzu hobea emateko". Ildo horretan, iruzurra ere murriztu ahal izango da", esan du. Hala ere, erabiltzaileak ia ez du aldaketa nabarituko, horren esanetan: "Erabiltzaileak jasotako zerbitzu hori une horretan bertan zerga-administrazioari aitortu zaiola ikusiko du", adierazi du.
TicketBai hiru Foru Ogasunen eta Eusko Jaurlaritzaren proiektu komuna da. Proiektu horren helburua betebehar legal eta tekniko batzuk ezartzea da, eta horrek esan nahi du jarduera ekonomikoa egiten duten pertsona fisiko eta juridiko guztiek fakturazio-software jakin bat erabili beharko dutela.
Pixkanaka ari da ezartzen Euskadin, eta Gipuzkoa izan da lehena. "Garrantzitsuena da hiru administraziook sistema berrian apurka-apurka sartzen joatea", esan du Foru diputatuak. "Oso harreman estua dugu. Uste dut gaur egun proiektua sendoagoa, hurbilagoa eta egokiagoa dela ", gaineratu du.
Negozio txiki askok sistema berriaren ondorioz negozioak itxi ote ditzaketen kezka dago, eta horren harira Peronak apena egongo dela aldaketarik lan egiteko moduan. Hala, denda txikiei "beldurrik ez izateko" deia egin die eta "etorkizunean euren negozioa hobea izateko pausoak eman ditzaten" eskatu die. Era berean, gogorarazi du lanean jarraituko dutela eta langileengandik "gertu" egongo direla, sektore guztiei behar duten laguntza jaso dezaten.
Bestalde, Iñigo Martinez UPTA langile autonomoen Elkarteko kideak kritikatu egin du sistema ezartzeko modua, eta adierazi du proiektu berriak ez dituela bereizten "hilabete amaierara iristen ez diren" autonomoak eta krisi ekonomikoaren ondorioz gaizki pasatzen ari direnak eta diru asko irabazten dutenak. "Ez da unea ezta lekua ere", esan du.
Era berean, foru administrazio bakoitza "bere kabuz joatea" "bidegabea" iruditzen zaio. "Batzuk orain, beste batzuk gero", azaldu du.
Azkenik, adierazi duenez, "digitalizazioaren aro honetan jaio garen jendearentzat beste urrats bat da", baina "Muskizen mertzeria bat duen adineko pertsona batentzat oso konplikatua". Hala, sistema berriak "Administrazioarentzat eta aholkularitzarentzat abantailak" dituela onartu du. Baina merkatariarentzat eta autonomoarentzat nahaspila eta arazo handia izango da", esan du.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.