Diazi "eztabaida faltsua" sortzea egotzi dio Chivitek, eta elikadura katearen legea ezartzea babestu du
Maria Chivite Nafarroako Gobernuko presidentearen arabera, Yolanda Diaz Espainiako Gobernuko presidenteordeak "eztabaida faltsua" sortu du erosketa saskia merkatzearen harira, eta elikadura katearen legea aplikatzea eskatu du, hori baita, horren hitzetan, "ekoizleei prezio egokia bermatuko" diena.
Nafarroako Jauregian Radio Euskadiren "Boulevard" saioari eskainitako elkarrizketa batean, ekonomia gaiez luze eta zabal mintzatu da buruzagi sozialista. Aitortu duenez, KPIa "altu" dago, eta energiaren salneurria, egoera bertsuan. Azpimarratu duenez, "ez da PPk iragartzen duen hondamendi hori gertatuko", baina hori gorabehera, berretsi du Nafarroako Gobernuak "erne" jarraituko duela, herritarrei "laguntzen".
Horren ildotik, iragarri du exekutiboa "proposamen tekniko" bat ari dela lantzen "errenta ertain eta baxuen egoera arintzeko". Argudiatu duenez, herritar horiek, "zergadunen gehiengoa ere badirenak, izango dira negu gogor honetan gaizkien igaroko dutenak". Zehaztu du murrizketa fiskala dutela buruan, eta ez pertsona fisikoen gaineko zerga (PFEZ) deflaktatzea. "Neurriak justua izan behar du", gaineratu du.
Gai politikoak hizpide, koalizio gobernuaren bazkideen (Geroa Bai eta Podemos Ahal Dugu) arteko harremana "ona" dela nabarmendu du, "desadostasunak" aitortu dituen arren, "gutxi" badira ere. Horien artean, euskararen dekretuaren barruan, eremu ez-euskaldunean "akordiorik ez" dagoela onartu du, baina "euskararentzat inoiz baino baliabide gehiago" daudela azpimarratu du. Foru hauteskundeen ostean, sozialistek gidatutako balizko gobernu batean EH Bilduk lekua izango ote lukeen galdetuta, argi mintzatu da Chivite: "Erabat baztertzen dugu. Gauza bat da unean uneko akordioak lortzea, eta bestea, EH Bilduk gobernu politikak zehaztea".
Azkenik, Nafarroako Gobernuak bozeramailea aldatu duela eta (Elma Saiz Ekonomia kontseilaria jarri du Remirezen ordez), lehen presidenteordearekin izandako desadostasun edo konfiantza faltagatik izan denik baztertu du. "Azaldu nuen: testuinguru ekonomikoa nagusi den honetan, egokia iruditzen zitzaigun Ekonomia eta Ogasun kontseilaria izatea eledun, herritarrei lasaitasuna emateko".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.