Garzon: "Erosketa orga merkatzea posible da; banaketa enpresek bat egin beharko dute lehenago edo geroago"
Alberto Garzon Espainiako Gobernuko Kontsumo ministroaren aburuz, "posible da" erosketa saskia merkatzea, eta ziur agertu da banaketa enpresa handiek, lehenago edo geroago, ekimenarekin "bat egingo" dutela.
Radio Euskadiren "Boulevard" saioari eskainitako elkarrizketa batean —eitb.eus-en ere zuzenean jarraitu ahal izan da—, Izquierda Unidako (IU) koordinatzailea ere badenak esan du konpainia handi horiek "mozkin oso altuak" dituztela, eta horiek "apaltzea" eskatzen ari dietela, familien mesedetan. Ildo horretan, adibidea jarri du: Andaluziako supermerkatu kate txiki batek 100 produkturen prezioa izoztu du. "Nola ez dute bada banaketa enpresa handiek hori egin ahal izango? Noski egin dezaketela", gehitu du.
Enpresoi prezio jakin batzuk jartzera derrigortzera helduko ote diren ala ez, Garzonek ezezkoa erantzun du: "Une honetan, ez gaude fase horretan".
Kontsumo Ministerioak oinarrizko erosketa orga horretan sartu beharko liratekeen produktuen zerrenda kaleratu berri du; tartean daude frutak, barazkiak, lekaleak eta proteinak. Horri buruz galdetuta, Garzonek azaldu du Ministerioak "bere bide orri propioa" duela, banaketa enpresek, "interes komertzialen arabera" eurena duten bezala. Hori horrela, "ahalegin kuantitatiboa egiteaz gain, ahalegin kualitatiboa" eskatzen zaiela nabarmendu du, orga horrek "arrazoizko prezioa izateaz gain, osasuntsua ere" izan dadin. Jakinarazi duenez, "baliabide gutxien dituzten familiek baliabide gehien dituztenen gizentasun tasa bikoitza dute", eta horrek, argudiatu du, eragina du osasun publikoan.
Eskola jantokietan ere elikadura osasuntsua bermatzearen alde dago Kontsumo Ministerioa, eta, horren harira, proposamena egin dutela zehaztu du Garzonek. Izan ere, horren ustez, "batzuetan enpresa pribatuek euren etekinak maximizatu nahi dituzte eta kalitate gutxiagoko produktuak eskaintzen dituzte". Horren aurrean, kontsumo eredu osasuntsuagoak babestu ditu, dieta mediterraneoarekin bat egiten dutenak.
Azkenik, energia enpresei ezartzekoa zaien zerga berezia hizpide hartuta, azpimarratu du Espainiako Gobernuak eta Europako Batzordeak "iritzi bertsua" dutela, eta Europako Alderdi Popularrak berak ere tesi horrekin bat egin duela. Orain, bi proposamenak "sinkronizatzea" da kontua, azaldu duenez.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.