Enpresa banatzaile handien arabera, prezioei muga jartzeak merkatua desitxuratzen du
Yolanda Diaz Espainiako Gobernuko bigarren presidenteordeak deitutako banaketaren patronalek astelehen honetan adierazi dutenez, oinarrizko elikagaien prezioari muga jartzeko proposamenak merkatua desitxuratu dezake, eta zergak jaisteko eta "sektorea ez deabrutzeko" eskatu dute.
Lan ministro ere badena eta Alberto Garzon kontsumo ministroa Anged, Asedas eta ACES patronaletako arduradunekin bildu dira astelehen honetan, baita zenbait kontsumitzaile elkarterekin ere, elikagaien inflazioa eteten lagunduko duten neurriak eztabaidatzeko.
Ignacio Garcia Magarzo Asedas supermerkatuen patronaleko zuzendari nagusiak adierazi duenez, Gobernuko bigarren presidenteordeak mozkin-marjinaren arazoari buruz egindako analisiak "ez du nahikoa oinarri zientifiko".
Haren aburuz, ez da ideia "ona" oinarrizko orga komun bat prestatzea, ez datorrelako bat "Espainiako banaketa komertzialaren egiturarekin".
Gaineratu duenez, Diazek zenbait elikagairen prezioak mugatzeko egindako proposamena ez da "baliagarria" inflazio arazoak konpontzeko. Arazo horiek lehengaien prezioen "presio larriak" eragiten dituela dio, eta, hortaz, "hobe" dela BEZa bezalako zergak jaistea edo energiaren kostua merkatzea.
Javier Millan-Astray Banaketa Enpresa Handien Elkarte Nazionaleko (Anged) presidenteordeak deitoratu du "banaketa sektorearen jokabidea iluntzen" ari direla, "arduratsua" izaten ari bada ere.
Millan-Astrayk ziurtatu duenez, "ohiz kanpoko ahalegina" egiten ari dira kateko maila desberdinetako kostuak kontsumitzaileei ez helarazteko; energiaren, zerealen, ongarrien eta ontzien prezio garestiagoak barne.
"Erosketa saski bat zehazten saiatuz gero, desitxuratu egingo dira banaketa enpresek euren hornitzaileekin dauzkaten harremanak", nabarmendu du Anged elkarteko arduradunak. Merkatuaren jardun askea moldatzearen aurka agertu da, "eraginkortasun eza eragiten baitu prezioetan".
Bestalde, Aurelio del Pino Espainiako Supermerkatu Kateen Elkarteko (ACES) presidenteak azpimarratu du marko legalak ez duela begiesten "lehiakortasuna eraldatu edo mugatuko duten enpresa arteko akordioetara iristeko aukerarik".
Zure interesekoa izan daiteke
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.
BBVAren errekurtsoa atzera bota eta Bilboko dorrean amiantoaren eraginpean egondako langile baten ezintasuna berretsi dute
Auzitegiak berretsi egin du BBVAko langile baten lanbide-gaixotasunagatiko ezintasun absolutua, eta berretsi egin du minbiziaren lan-jatorria, hainbat hamarkadatan amiantoaren eraginpean egon ondoren, Kale Nagusiko 1. Dorrean; beste txosten batzuen arabera, berriz, eraikin berari lotutako kasu gehiago daude.