Statkraftek aerosorgailu handiagoak, 200 metroko altuerakoak, egin asmo ditu lur gutxiago okupatzeko
Euskadin bi parke eoliko eraikitzeko asmoa duen Statkraft enpresaren asmoak aurrera darrai. Norvegiako enpresak eta Azpeitiko Udalak Piaspe proiektu eolikoari buruzko xehetasunak urriaren 11n emango dituztela jakin ondotik, Jon Zayas euskal ingeniari eta enpresa norvegiarreko proiektuen zuzendariak Radio Euskadin aurreratu du oraingoz, Euskadin egun daudenak baino bi edo hiru aldiz handiagoak diren aerosorgailuak planteatzen ari direla.
Zayas arduratuko da datozen asteetan egingo diren jendaurreko jardunaldietan parte hartuko duten herrietako bizilagunei planaren nondik norakoak azaltzeaz, baina, dagoeneko, eman ditu aerosorgailuen kokapenari buruzko zenbait argibide. "Itsarazen, guztira zortzi aerosorgailu jarriko dira: zazpi, Aramaion, eta bat, Eskoriatzan", zehaztu du. Piaspe parkeari dagokionez, "bost aerosorgailuz osatutako parke bat planteatzen dugu; hiru aerosorgailu, Azpeitian, eta beste bi aerosorgailu, Errezil eta Zestoa artean", azaldu du.
Zayasen arabera, errota handiak egitea da asmoa, lur gutxiago okupatzeko; eta 200 metroko altuerara irits litezke, Euskadin martxan dauden parke eolikoetan daudenen bikoitza edo hirukoitza: "205 metroko altuera eta 170 metroko diametroa izango lukete", nabarmendu du euskal ingeniariak.
Eoliko horiek sortzen duten elektrizitatea proiektuan parte hartu edo inbertitu nahi duten udalerrien eta enpresen artean banatuko da. Eta hemen, Zayasen arabera, Statkraft hainbat aukera aztertzen ari da: fisikoki konektatzen duen kable bidez egitea, adibidez, Fagorrek Debagoienan dituen fabrikekin, edo hornidura kontratu merkeen bidez egitea.
Herritarrei dagokienez, energia-kooperatibak eratzeko deia egingo dute, baina oraindik eredua definitzeko lanean ari direla aurreratu du Zayasek, eta gaineratu du betiere proiektu adostua izango dela.
"Eredu disruptibo bat sortu nahi dugu, jendeari entzuteko eta alde guztien lankidetza sustatzeko (udalak, herritarrak, industria, EEE...)", azaldu du. "Desberdin egin nahi dugu, eta batez ere", azpimarratu du, "entzun egin nahi dugu, proiektua guztiok nahi dugun horretara egokitzeko".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.