Euskadin irailean erregistratutako langabezia jaitsi egin da; Nafarroan, aldiz, koxka bat igo da
Irailean Euskadin erregistratutako langabezia 2.078 pertsonatan murriztu da, hau da, % 1,83ko jaitsiera izan da abuztuarekin alderatuta, eta Lanbiden izena emanda daudenen kopuru osoa 111.680 pertsonakoa da; beraz, Errioxaren atzetik langabeen portzentajezko jaitsiera handiena izan duen bigarren erkidegoa da Espainiako Estatuan.
Lan eta Gizarte Ekonomiako Ministerioak astearte honetan emandako datuen arabera, Euskal Autonomia Erkidegoan 2021eko irailean baino 7.812 langabe gutxiago daude, % 6,54ko urte arteko jaitsiera.
Bestalde, Nafarroan langabeziak gora egin du azken hilabetean 227 pertsonatan, % 0,73 areagotu egin da kopurua aurreko hilaren aldean, eta 31.188 langabe izatera iritsi da, duela urtebete baino 1.500 gutxiago (% 4,59).
Espainiako Estatuan, guztira, 17.679 langabe gehiago daude, abuztuan baino % 0,60 gehiago. Beraz, udako kanpainaren amaierak markatutako hilabeterako, ohi baino gutxiago igo da.
Lana sortzen jarraitu da
Kontratazioari dagokionez, azken hilabeteetako joerari eutsi zaio Euskadin, eta kontratazio mugagabea nabarmendu da, guztizkoaren % 31,19koa izan baita. Denera, 81.154 kontratu berri sinatu ziren, eta horietatik 25.315ek izaera hori izan dute.
Alfonso Gurpegui Eusko Jaurlaritzako Enplegu eta Gizarteratzeko sailburuordeak nabarmendu du 2022koa izan dela historiako irailik onena afiliazioari erreparatuta; halaber, 2008tik izandako onena izan da langabezian dauden pertsonen datuari dagokionez.
Nafarroan ere, Gizarte Segurantzako afiliatuen kopuruak gora egin du, maila txikiagoan bada ere: 43 pertsona, % 0,01, 300.199 izatera iritsi arte. Aurreko urteko hil beraren aldean % 2,07ko gehikuntza izan da, 6.090 afiliatu gehiagorekin.
Carmen Maeztu Nafarroako Gobernuko Eskubide Sozialetako kontseilariak iraileko langabeziari buruzko datuak "anbibalentetzat" jo ditu, baina azpimarratu du "egoera positiboa" erakusten dutela, eta oraingoz, enplegua "egonkor" mantentzen dela.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.