Junkera: "Denok estutu behar dugu gerrikoa: enpresek, langileek, akziodunek eta ogasunek"
"Egonezina eta nahasmendua" dira Gipuzkoako enpresarien egoera ondoen definitzen dituzten hitzak, Eduardo Junkera ADEGI Gipuzkoako Enpresen Elkarteko presidentearen esanetan. Radio Euskadin egin dioten elkarrizketan esan duenez, gaur gaurkoz enpresen egoera "ona" da, baina etorkizun hurbilean atzeraldiaren aukera ez dute baztertzen. Areago, azaldu du "baldin eta Ukrainako gerra ez bada amaitzen", enpresa askok ezingo diotela eutsi. Egoera bideratzeko giltza "Putin izeneko pertsonaia" baten eskuetan dagoela gaineratu du.
ADEGIko buruaren hitzetan, inflazioa etenik gabe goraka ari den honetan, alde guztiak —enpresak, langileak eta administrazioak— pobretuta aterako dira, eta horri aurre egiteko ahalegina, "alde guztiek elkarrekin" egin behar dute. "Denok estutu behar dugu gerrikoa". Zentzu horretan, errenten ituna tresna egokia izan daitekeela iritzi dio, besteak beste, soldatak adosterakoan. Betiere, hori bai, "nahiezkoak diren enpresak kaltetu ez daitezen". "Enpresak dira aberastasuna sortzen dutenak, gure ongizate mailari eusten diotenak eta enplegua sortzen dutenak. Beraz, enpresak jarri behar dira erdigunean, eta inguruko guztiekin hitz egin... Noski, alde guztiei eskuzabaltasuna eta elkartasuna eskatu behar zaizkie", azaldu du, "gehien duenak gehiago ordaindu" behar duela esan ondotik.
Halere, Junkera oso kritiko agertu da ondasunen gaineko zergarekin. Bere iritzian, tasa horrek "gehien aurreztu duena zigortzen du". Ez du uste kohesio soziala ahalbidetuko duenik zerga horrek, "oso bidegabea" baita. Haren esanetan, "aurrez bere errentari dagozkion zerga guztiak ordaindu dituenak, orain, aurreztu duenagatik ordaindu behar du".
Zerga erreformari buruz, berriz, "enpresen egonkortasuna" lehenesteko eskatu die erreforma hori bideratzen ari diren erakundeei. Zentzu horretan, bi eztabaida faltan botatzen dituela adierazi du: "zer egin behar dugu Estatura diru gehiago sar dadin, eta zer egin behar dugu gure gastua eraginkorragoa izan dadin. Bi eztabaida horiek ez ditut ikusten".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".