Espainiako Gobernuak 40 milioi euro bideratuko ditu Belateko eta Almandozeko tuneletako obretara
Maria Chivite Nafarroako Gobernuko presidenteak iragarri du Foru Erkidegoak 40 milioi euro gehiago izango dituela 2023ko Estatuko Aurrekontu Orokorretan, N-121-A errepidean (Iruñea-Behobia) dauden Belateko eta Almandozeko tunelak bikoizteko obretarako. Obrak datorren urtean hastea aurreikusten da.
Geroa Baik egindako galdera bati erantzunez egin ditu adierazpenok Chivitek ostegun honetan Nafarroako Parlamentuan 2023rako Estatuko Aurrekontu lege proiektuaren harira egin den osoko bilkuran.
Hala, oraingoz, Nafarroak Espainiatik 118 milioi euroko inbertsioak jasoko ditu (103 milioiko inbertsioa gehi 15 milioiko transferentzia arrunta N-121-A errepideko obretarako). Belateko eta Almandozeko tuneletarako 40 milioiak gehituta, 158 milioi dira guztira, eta hori "hobekuntza nabarmena da aurreko aurrekontuekin alderatuta", nabarmendu du Nafarroako presidenteak.
Uxue Barkos Geroa Baiko bozeramaileak, bere aldetik, esan du Espainiako Gobernuak Nafarroan egiten duen inbertsio hori ez dela nahikoa. Barkosen hitzetan, 2023rako aurrekontuak egotea "albiste ona" da, eta, adierazi duenez, "lehen begiratuan", proiektuak Nafarroarako inbertsio handiagoa aurreikusten du, baina oraindik gabeziak daude, nabarmendu duenez.
Horrelakoa izango da etorkizuneko tunelen ibilbidea
Bikoizketa-trazadura berriak 7.647 metroko luzera izango du, eta dagoenaren ondoan egingo da, ezkerraldean. 27+040 kilometro-puntuan hasiko da, eta 5 tarte izango ditu: Belateko tunelaren aurreko aire zabaleko zatia; Belateko tunela; tunelen arteko aire zabaleko tartea; Almandozko tunela; eta Almandozko tunelaren osteko aire zabaleko zatia.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.