Busturialdeko eta Lea Artibaiko Bizkaibuseko langileek lanuzteak abiatu dituzte hitzarmenaren negoziazioagatik
Bizkaibusek Busturialdean eta Lea Artibain dituen lineetako operadoreetako langileek iragarritako hamaika eguneko lanuzteak hasiko dituzte astelehen honetan, hitzarmenaren negoziazioak "blokeatuta" daudelako eta enpresak "soldatak izozteko asmoa" duelako, UGTk jakinarazi duenez.
BLBko batzordeak proposatu ditu lanuzteak, eta langileen batzarretan berretsi zituzten, KPIaren araberako soldata igoerak eskatzeko, "Bizkaibuseko beste operadore batean jada negoziatu den bezala".
Hala, urriaren 24an, astelehena, lanuzteak hasiko dira 05:50etik 09:20ra eta 18:00etatik 21:30era, eta azaroaren 2, 7, 9, 14, 16, 21, 25, 28 eta 30ean jarraituko dute. Gainera, 24 orduko lanuztea egingo dute urriaren 31n, Gernikako azken astelehenarekin batera.
Bilbo Bermeorekin, Lekeitiorekin, Ondarroarekin, Gernikarekin, Mungiarekin, Ermuarekin, EHUrekin eta Galdakaoko Ospitalearekin lotzen duten Bizkaibuseko lineei eragingo diete lanuzteek.
UGTk hitzarmenaren "negoziazioen blokeoa" salatu du, 2020ko abendutik eguneratu gabe baitago, baita "enpresak soldatak izozteko duen asmoa ere, Bizkaibusen emakidadun diren beste enpresa batzuetan, Durangaldeko Avanzan, esaterako, iazko KPIaren araberako soldata igoerak (% 6,4) dituen hitzarmen bat lortu delarik, inflazioa izugarri igotzen ari den une honetan, gainera".
Sindikatuak dei egin dio Bizkaiko Foru Aldundiari, Bizkaibuseko "zerbitzuaren arduradun" gisa, "kontzesionario batzuen eta besteen artean soldata-alderik ez ezartzeko".
Zure interesekoa izan daiteke
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.