Ugarte (SEA): "Energiaren kostuaren igoerari aurre egiteko enpresentzako laguntzak faltan botatzen ditut"
Energiaren kostuaren igoerari aurre egiteko enpresek zailtasun handiak dituztela eta horien egoera arintzeko laguntzak faltan botatzen dituela esan du Juan Ugarte SEA Arabako Enpresak patronaleko zuzendariak, Radio Euskadin gaur egin dioten elkarrizketan. Horren iritzian, enpresa askoren egoera eutsiezina da, batez ere, elektro-intentsiboak direnena, eta okindegiak jarri ditu adibide modura: "hirukoiztu edo laukoiztu egin da okindegien argindar faktura, eta igoera hori ezin zaio ogi-barra bati ezarri".
Halaber, gaur kaleratu den KPIaren urriko datua ere izan du hizpide Ugartek: urte arteko inflazioa % 6,9ra jaitsi da EAEn. Datua "positiboa" dela aitortu arren, "oraindik zifrak oso altuak" direla nabarmendu du, eta abiapuntua ezin dela ahaztu esan du. "Azken urteotan argindarraren prezioa biderkatu egin da eta gasarena, hirukoiztu. Gure enpresetan kostuen ekaitz perfektua egon da: covid ondorengo kostuen igoera, energiaren kostua, finantza kostuak (...) Errentagarritasuna kolokan dago. Egun, lana badugu, baina errentagarritasuna falta zaigu", zehaztu du.
Zentzu horretan, Arabako patronalaren burua zuhur agertu da, atzeraldi baten arriskuaz hitz egiterakoan. Ezkortasunik ez duela zabaldu nahi esan du, baina gaur egun hazkundea oso moderatua dela azpimarratu du, eta Arabako enpresen bezero diren herrialde asko atzeraldian sartzear daudela.
Agertoki horretan, enpresariak enpleguari eusteko egiten ari diren ahalegina azpimarratu du, baina argi utzi du produkzioa jaisten hasten bada, zaila izango dela lanpostu guztiak mantentzea.
Bestalde, Eusko Jaurlaritzaren 2023ko aurrekontu proiektuari buruz, berriz, SEAko buruak erakundeek egindako lanari balioa eman nahi izan dio, baina ausardia gehiago eskatu die, batez ere, fiskalitateari dagokionez. Bere esanetan, Kontzertu Ekonomikoak aukera asko eskatzen ditu, eta horiek "ausardia gehiagorekin" erabili behar dira.
Azkenik, baikor agertu da Mercedes Benzek Gasteizen egin dezakeen 1.200 milioi euroko inbertsioaren inguruan. Arabak inbertsio horretarako baldintza guztiak betetzen dituela azaldu du, eta multinazionalak erabakia lehenbailehen hartzea espero duela.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.