2023ko kontuak negoziatzeko bigarren bilera erronda egingo du gaur Azpiazuk
2023rako Eusko Jaurlaritzak aurkeztu duen aurrekontuen proiektua negoziatzeko bigarren bilera errondari ekingo dio, gaur, Pedro Azpiazu Ekonomia eta Ogasun sailburuak oposizioko taldeekin. Aurreneko txandako hurrenkera berean egingo dira batzarrak: 09:30ean EH Bilduko ordezkariak hartuko ditu, 11:00etan Elkarrekin Podemos-IUkoak eta 13:00etan PP+Cs taldeko kideak. Lakuan izango dira hitzorduak.
Aurreneko errondaren ostean, Azpiazu baikor agertu zen, eta hiru talde parlamentarioetako batek ere ez zuela "marra gorririk" jarri balizko akordio batera iristeko nabarmendu zuen. Hizketan hasterako, sailburuak argi eta garbi esana zuen proposamenak kontuan hartu bai, baina egiturazko aldaketarik ez dutela egingo.
EH Bilduk, bere aldetik, Jaurlaritzak aurkeztutako aurrekontuen partidetan 450 milioi euroko aldaketak egitea proposatu zuen, "degradazio arriskuan" ikusten dituzten hainbat atal bideratzeko, tartean, Osakidetza. Halaber, krisi energetikoari, etxebizitzen garestitzeari, lehen sektorearen egoera zailari eta enpresen errotze galerari aurre egiteko sakoneko aldaketak egitea premiazkoa dela helarazi zioten Ekonomia arduradunari.
Bileraren ondorengo agerraldian, Maddalen Iriarte koalizio abertzaleko eledunak azaldu zuen fiskalitatearen inguruko eztabaida berehala zabaltzea izan zela mahai gainean jarri zuten beste eskarietako bat. Horren hitzetan, eragile guztiekin eztabaida irekia zabaltzea ezinbestekoa da eredu fiskala errotik aldatzeko, "partxeak jartzen ibili beharrean". Zentzu horretan, Jaurlaritzak eztabaidari ekiteko borondatea baduela esan zien.
Elkarrekin Podemos-IU taldeko ordezkariek, berriz, aurrekontuetara aurtengo soberakinetatik 511 milioi euro gehitzea proposatu zuten, "herritarren bizi kalitatea hobetzeko". Hainbat aldaketa proposatu zituzten osasun, etxebizitza, hezkuntza edota zerga alorretan, eta konpromiso politikoak hartzea ere eskatu zioten Jaurlaritzari.
Miren Gorrotxategi alderdi moreko bozeramailea ezkor atera zen bileratik, Azpiazuk argi jakinarazi baitzien "500 milioiko gehikuntza gehiegi" dela eta konpromiso politikorik hartzeko prest ere ez daudela aurrekontuen negoziazioan.
Azkenik, PP+Cs taldeko Carlos Iturgaizek adierazi zuen euren proposamen guztiak "zergak jeistera eta familien egoera arintzera bideratu" zituztela, eta hala jakinarazi ziotela Azpiazuri. "Energia, gasa, erregaiak eta hipotekak garestitzen ari diren honetan, presio fiskala jaistea eskatu dugu", esan zuen buruzagi popularrak.
Era berean, PPk gobernatzen dituen Estatuko beste erkidego batzuetako eredu fiskala aintzat hartzea proposatu zuten, Galiziakoa edota Madrilgoa, esaterako.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".