Ekonomia Itunaren Batzorde Mistoak 2022-2026 bosturtekorako kupoa onartu du % 6,24ko egozte-indizearekin
Ekonomia Itunaren Batzorde Mistoak, Eusko Jaurlaritzak, Arabako, Bizkaiko eta Gipuzkoako foru aldundiek eta Espainiako Gobernuak osatutakoak, Euskal Autonomia Erkidegoko Kupoaren Bosturteko Legea berritzea onartu du. 2022-2026 bosturtekorako kupoak 1.472 milioi euroko urteko ekarpena ezartzen du, eta egozte-indizea % 6,24an mantentzen da.
Horrela islatzen da Maria Jesus Montero Ogasun ministroak eta Pedro Azpiazu Ekonomia eta Ogasun sailburuak, Olatz Garamendi Gobernantza Publiko eta Autogobernuko sailburuak eta Ramiro Gonzalez (Araba), Unai Rementeria (Bizkaia) eta Markel Olano (Gipuzkoa) Euskadiko hiru ahaldun nagusiek ostegun honetan sinatu dituzten finantza arloko akordioetan.
Zenbateko hori gaur egun Estatuari ordaintzen ari zitzaion kupoaren oso antzekoa da. Oinarri-kupo horretan, enplegu-politika aktiboen balorazioa ez da nork bere gain hartutako karga gisa integratzen; izatez, urtero antolatzen da Estatuari ordaindu beharreko kupo likidoaren konpentsazio gisa.
Pedro Azpiazu Ekonomia eta Ogasun sailburuak azpimarratu duenez, "garrantzi handiko akordioa lortu da gaur", eta "euskal autogobernua eta Kontzertu Ekonomikoa sendoago ateratzea lortzen duen akordioa dela" gaineratu du.
Guztira, eduki fiskaleko eta finantzarioko 15 akordio adostu dituzte. Behin betiko zenbatekoak honela banatzen dira: 2021eko kupo likidoa (1.403 milioi euro), finantza-konpentsazioak (2021erako behin betikoa eta 2022rako behin-behinekoa), eta enplegu-politika aktiboen balorazioa (2021erako behin betikoa eta 2022rako behin-behinekoa).
Era berean, Batzorde horrek bi zerga-figura berri ituntzea erabaki du, ingurumenaren kudeaketarekin zerikusia dutenak: berrerabili ezin diren plastikozko ontzien gaineko zerga berezia eta hondakinak zabortegietan uztearen, erraustearen eta hondakinak batera erraustearen gaineko zerga.
Horrela, bi zerga-figura berri horiek EAEko ogasunetatik bilduko dira. Berotegi-efektuko gas fluordunen gaineko zergan egindako aldaketetara ere egokituko da Ekonomia Ituna.
Oraingoz akordioan sartu ez dena, berriz, bankuen eta energiaren gaineko zerga berriak izan dira, baina Pedro Azpiazu sailburuak esan du Pedro Sanchezen Gobernuarekin harremanak daudela aurrerago zehazteko.
Finantza arloko akordioen artean dago, baita ere, Bizitzeko Gutxieneko Diru-sarreraren kudeaketaren finantzaketaren instrumentazioa, duela hilabete batzuk Transferentzien Batzorde Mistoan Eusko Jaurlaritzari transferitu zitzaiona.
Halaber, Euskadik Autonomiaren Aldeko eta Mendetasunari Arreta Eskaintzeko Sistemaren zuzkiduretan eta osasun-arloko funtzioak finantzatzeko aparteko zuzkiduretan (13,4 milioi inguru) parte hartzea erabaki da, baita beken osagarria ere (23,9 milioi).
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.