Ulmak eta Oronak "itunpeko kooperatiba" izatea proposatu zioten Mondragon taldeari ekainean
Ulma eta Orona taldeek beste harreman mota bat proposatu zioten ekainean Mondragon Taldeari, "itunpeko kooperatiba" izatea hain zuzen ere, baina korporazioak errefusatu egin zuen.
EITBk jakin duenez, Mondragon Taldeko organoek aztertu egin zuten proposamen hura, baina errefusatu egin zuten, argudiatuta erakundearen "izaera bera" aldatzea ekarriko lukeela. "Orain arteko berrikuspen handiena izango litzateke", azaldu dute, eta, horrenbestez, "lan eta hausnarketa prozesu sakona behar du".
Ulmak eta Oronak egindako proposamenaren arabera, harreman berriak ezaugarri hauek izango lituzke:
- Kongresura atxikitutako kooperatibak izateari utziko liokete
- Ez lituzkete bete behar kongresuan onartutako arauak
- Ez lukete parte hartuko kooperatiben arteko interkooperazio eta elkartasun sistemetan
- Urtebeteko hitzarmenak sinatuko lituzkete Mondragonekin
Antza denez, ULMAk eta Oronak desadostasunak dituzte Mondragon Taldearekin, bereziki Taldeak 2016ko uztailean egin zuen kongresutik.
Iñigo Ucin Mondragon Korporazioko presidenteak adierazpen egin zituen Mondragonek iragan astearteaan, Donostiako Kursaalean egin zuen 2022 Kongresuaren amaieran. Defendatu zuenez, "Orona eta Ulmaren eta bertako pertsonen etorkizuna hobea izango da" kooperatiba-taldean jarraitzen badute, "balioak" partekatzen dituztelako eta "lankidetzarako benetako aukera asko" daudelako. "Elkarrekin indartsuagoak gara gero eta konplexuagoa eta ziurgabetasunez betetako mundu honetan", azpimarratu zuen.
Ucinen esanetan, bi enpresa industrialak Mondragonetik irteteak "ez die mesederik egiten ez Oronari, ez Ulmari, ez beste kooperatibei ere". Halaber, Mondragoneko organoek "ateak zabalik" dituztela eta "hitz egiten jarraitzeko erabateko prestasuna dutela" nabarmendu zuen.
Irizar taldea eta AMPO enpresa kooperatibak 2008an irten ziren Mondragon Taldetik.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.