Eusko Jaurlaritza: "Jarduera kooperatiboak indartsu izaten jarraituko du Euskadin"
Eusko Jaurlaritzako Ekonomiaren Garapen, Jasangarritasun eta Ingurumen Sailak (Arantxa Tapia da sailburua) errespetua agertu du Ulmak eta Oronak hartutako erabakiaren aurrean. Halaber, konbentzimendua erakutsi du: "Jarduera kooperatiboak indartsu izaten jarraituko du", Euskadin.
Ohar bidez, Sailak nabarmendu du Ulma Taldeko eta Oronako bazkide kooperatibistek "modu sendoan eta zilegitasunez" erabaki dutela, Donostian eta Hernanin, hurrenez hurren, egindako batzarretan.
"Euskadiko industria, orain, antolamenduko errealitate berri batean dago, eta, bertan, jarduera kooperatiboak indartsu izaten jarraituko du", adierazi du.
"Alde guztiok egokitu behar gara errealitate berri honetara, eta elkarrekin aritu behar gara Euskadiko ekonomiari lehiakortasuna emateko", amaitu du.
Halaber, Jabier Larrañaga Gipuzkoako Ekonomia Sustapeneko diputatuak Aldundiaren "errespetua" agertu du, Ulmako eta Oronako bazkideek, "subiranotasunez", hartutako erabakiaren aurrean. Horrez gain, "zorterik onena" opa die bi enpresei eta Mondragon Korporazioari, "aro berri honetan".
"Guztiak eragile erabakigarriak dira, gure garapen ekonomiko eta sozialerako", ziurtatu du Larrañagak, ohar bidez; haren iritziz, "aurrera begiratzeko, eta etorkizunaren alde lan egiteko" garaia da: "Erakundeetatik, enpresekin elkarlanean jarraitu behar dugu, eta helburu komuna izan behar da industria lehiakorra eta ekonomia sendoa izatea, Gipuzkoan eta Euskadin, gure ongizatea eta kohesio soziala bermatzeko", nabarmendu du.
Adierazi duenez, "eredu kooperatiboak Gipuzkoari egindako ekarpena eztabaidaezina da, eta jarraipena izango du"; izan ere, "kooperatibismoak iradokitako balioak gure lurraldeko balioak dira, eta, enpresa konfigurazioa edo konfigurazio juridikoa gorabehera, benetako erronka da egunerokoan bizirik izatea, eta etorkizunera proiektatzea, enpresa lehiakorrak izaten jarraitzeko. Hori da gure ardura kolektiboa, babestu behar dugun ondarea, hurrengo belaunaldiei utzi behar dieguna", amaitu du.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.