Tapiak Ulmaren eta Oronaren erabaki "sendoa" errespetatzen du, baina Mondragon "indartsu" dagoela uste du
Arantxa Tapia Eusko Jaurlaritzaren Garapen Ekonomikorako, Iraunkortasunerako eta Ingurugirorako sailburuak berretsi du errespetatu egiten duela Ulmak eta Oronak Mondragon Taldetik ateratzeko hartu duten erabaki "sendoa", baina azpimarratu du Mondragonek "indartsu" jarraituko duela eta Ulmak eta Oronak "kooperatibak izaten jarraituko" dutela. Era berean, "testuinguru berrian", Jaurlaritzari "lankidetzan aritzea eta Euskadin industria indartsua edukitzeko lan egitea" egokitzen zaiola gaineratu du.
Sailburuak Oñatin hedabideen aurrean egindako adierazpenetan azaldu duenez, Ulmak eta Oronak hartutako erabakia "ondo pentsatua" izan da, "aldekoak eta kontrakoak aztertuta", eta "sendoa" izan da bi enpresetan.
Tapiaren esanetan, "Euskadiko ordenamendu ekonomiko eta industrialean aro berri bat irekitzen da", baina "Mondragonek "talde esanguratsua" izaten jarraituko du, eta Ulmak eta Oronak, "kooperatibak". Izan ere, "kooperatibismoaren baloreetan, elkartasunean eta elkarlanean, jarraituko dutela adierazi dute".
Kooperatibismoa "solidarioa" eta "erresilientea" dela azpimarratu ondoren, "etorkizunean ere hala izaten jarraitzeko" lan egingo dutela hitzeman du Tapiak.
Sailburuak berretsi du lan egiten jarraitu beharra dagoela "munduan oso ezaguna eta miretsia" den industria kooperatiben ereduari eusteko.
Zure interesekoa izan daiteke
Osakidetzako lan-eskaintza berriaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta horietatik, 2.160 berriak izango dira.
Sindikatu eta abokatuek interinoen "finkotasuna" eskatzen dute Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain geldirik dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak finkotasuna ezinbestekotzat jotzen dute. ELAkk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi dutenei Iberiak eskainiko die Panamara joatea, eta handik, uhartera. Habanan dituen bulegoak zabalik izango ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.