212 lanpostuko lan eskaintza publiko bateratua iragarri dute Ertzaintzan eta Udaltzaingoan
Eusko Jaurlaritzak eta Eudelek 212 lanpostuko Lan Eskaintza Publikoa (LEP) deialdi berria iragarri dute Ertzaintzan eta Udaltzaingoan. Bihar, asteartea, zabalduko da izena emateko epea Arkaute Akademiaren webgunean eta ondorengo 20 egun baliodunetan egongo da zabalik.
212 lanpostu horietatik 127 Ertzaintzarako izango dira, eta gainerako 85ak, EAEko 31 udalerritako Udaltzaingorako. Hautaketa probak amaitu aurretik eta gainditu dutenen zerrenda argitaratu aurretik lanpostu kopurua handitzeko aukera egongo da.
Ertzaintza: 127 lanpostu
40 urtean lehen aldiz Ertzaintzako trafiko unitateetan eta ikerketa kriminaleko taldeetan sartzeko espezialitatea duten txanda libreko plazak aterako dira.
- Ertzaintzaren oinarrizko eskalako 27 lanpostu. Guztiek B2 hizkuntza eskakizuna dute.
- Ikerketa Kriminala espezialitateko 50 lanpostu. Horietatik 40k B2 hizkuntza eskakizuna dute.
- Bide Segurtasuna espezialitateko 50 lanpostu. Horietatik 40k B2 hizkuntza eskakizuna dute.
Udaltzaingoa: 83 + 2 lanpostu
Euskal Autonomia Erkidegoko 31 udaletako udaltzaingoetako oinarrizko eskalarako 83 lanpostu eskainiko dira. Gehienetan B2 hizkuntza eskakizuna eskatzen dute.
Hauek dira udaltzain izateko lanpostuak eskaintzen dituzten 31 udalerriak: Amurrio (1 plaza), Andoain (3 plaza), Aretxabaleta (1 plaza), Arrasate (2 plaza), Arrigorriaga (1 plaza), Basauri (1 plaza), Bermeo (2 plaza), Bilbo (3 plaza), Donostia (1 plaza), Eibar (3 plaza), Errenteria (12 plaza), Etxebarri (1 plaza), Getxo (2 plaza), Gernika-Lumo (2 plaza), Gorliz (2 plaza), Hondarribia (1 plaza), Irun (5 plaza), Lasarte-Oria (3 plaza), Mungia (2 plaza), Pasaia (3 plaza), Portugalete (3 plaza), Santurtzi (8 plaza), Sestao (6 plaza), Sopela (2 plaza), Soraluze (1 plaza), Tolosa (1 plaza), Vitoria-Gasteiz (2 plaza), Zarautz (2 plaza) eta Zumarraga (8 plaza).
·UDALTZAINGO ZERBITZUAK: 2 plaza Zamudio eta Zizurkilerako, bi kasuetan Administrazio Publikoko nahitaezko 2. hizkuntza-eskakizuna dute.
Datak
Polizia eta Larrialdietako Euskal Akademiak aurreikusitakoarena arabera, lehenengo hautaprobak aurtengo udaberrian hasiko dira, eta Euskal Poliziako agenteen promozio bateratu honetan lanpostua lortzen dutenen aurtengo udazkenean bertan hasi ahal izango du prestakuntza aldia. Gero, 2024an sartu ahal izango dira bakoitza dagokionb polizia kidegoan, praktika aldian.
Baldintzak
Deialdi hau da Euskadin altueraren baldintza kenduta egiten den lehenengoa. Eusko Jaurlaritzak eta EUDELek Euskadin emakume polizien kopurua igotzeko eta, modu horretara, plantilletako egungo desoreka zuzentzeko diseinatutako neurrietako bat da. Gainera, deialdiaren oinarrietan emakumeekin bete beharko diren plazen nahitaezko ehuneko bat ere jaso da: % 35 Ertzaintzaren kasuan eta % 25 Udaltzaingoan.
Bestalde, nahitaezkoa da, beste baldintza batzuen artean, 18 beteta eta 38 urte bete gabe izatea eta Batxilergoko titulua edo baliokidea izatea.
Zure interesekoa izan daiteke
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Tubos Reunidos eta Maderas de Llodio enpresetako langileei babesa adierazteko mobilizazio jendetsua egin dute
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.
Jauregik dio industria bazkide bat aurkitu behar dela, eta horretarako ezinbestekoa dela zorraren arazoa konpontzea
Mikel Jauregi Eusko Jaurlaritzako Industria sailburuak bere elkartasuna adierazi die Tubos Reunidoseko langileei, baina enpresaren egoera oso larria dela nabarmendu du. Gakoa industria bazkide bat aurkitzea dela esan du, eta gaineratu du horretarako ezinbestekoa dela zorraren arazoa konpontzea.
Ayesaren egoitza Donostian egongo da
Imanol Pradales lehendakariak iragarri du Ayesaren egoitza Donostian egongo dela, akziodunek adostu dutenez.
Albiste izango dira: Medikuen greba, Tubos Reunidos eta Maderas de Llodio enpresetako langileen mobilizazioa, eta Eusko Legebiltzarreko kontrol saioa
Orain.eus atarian gaur albiste izango direnen laburpena, bi hitzetan.
Langile talde batek Metal Group erosi eta Legutioko planta salbatu nahi du
Duela aste batzuk, enpresak itxi zuen, bezero nagusiak bere piezak erosteari utzi eta Txinan erostea erabaki ondoren.
Sidenorren otsailaren 10eko erregistroa baliogabetzeko eskatu dio Jainagak Espainiako Auzitegi Nazionalari
Espainiako Polizia Nazionala Basauriko Sidenorren egoitzara sartu zen Israeli altzairua saltzeagatik egindako ikerketari buruzko informazioa biltzeko.