EAEk Estatuko lan absentismo tasarik altuena dauka, Adecco Group Instituteren arabera
Adecco Group Institute erakundeak 2022ko hirugarren hiruhilekoari dagokion absentismo eta lan istripuei buruzko txostena argitaratu du. Bertan ematen dituen datuen arabera, EAEk dauka Estatu osotik lanera agertzen ez direnen kopururik handiena; hain zuzen ere, % 9,8koa da datua. Nafarroa dago bigarren postuan % 8,3ko tasarekin. Bi kasuetan, urte osoko datuak kontutan hartuta, %1 inguru egin du gora datuak.
Ikerketa zentroko zuzendari Javier Blascok datuak kontestuan jarri nahi izan ditu. Bere hitzetan, hirugarren hiruhilekoan "udako oporren eraginez hitzartutako ordu efektiboek izan duten beherakada nabarmenaren ondorioz" etorri da datu hau.
Aldi baterako ezintasunaren ondorioz gertatutako absentismoari dagokion tasa aurrekoa baino baxuagoa da EAEn; % 7,4koa. 2021ekoarekin alderatuta % 1,2 egin zuen gora eta hau ere Estatuko altuena da.
Datuak sektoreka begiratuta, huts egite gehien gertatu ziren sektorea industria izan zen Hego Euskal Herriko lau lurraldeetan. Atzetik ditu eraikuntza eta zerbitzuak.
Confebasken erantzuna
Confebask patronalak deitoratu egin ditu lanera ez joatearen datu hauek. Virginia Mugicarentzat, patronalaren sail juridikoko zuzendariarentzat, datuok "ez dute albiste berririk ekarri" eta penagarritzat jo du EAE "behin eta berriz txapeldun izatea" absentismoan. Lehiakortasunarentzat "oso datu kaltegarriak" direla gehitu du.
Patronaleko zuzendaritzako kideak aldi baterako ezintasunari lotutako absentismoaren datuak azpimarratu ditu. Datu orokorren % 70-80 artean daudela esan du eta ez dutela ulertzen "zergatik den gainerako komunitateetan baino askoz altuagoa". Enpresariak oso arduratuta daudela eta gaia erakundeei helarazi dietela azaldu du.
Ezbeharren kopurua jaitsi egin da
The Adecco Groupen ikerketa eta dibulgaziorako gunearen txostenak ezbeharrei buruz ere hitz egiten du. Haren arabera, lan-istripuek % 21 egin zuten behera 2022ko hirugarren hiruhilekoan Gipuzkoan, Bizkaian eta Araban, 2021eko epe berberarekin alderatuta.
Lan istripuen inzidentzia 100.000 biztanleko 214koa da EAEn. Estatuko hirugarren daturik baxuena da, datu orokorra 234koa baita. Nafarroan, aldiz, Estatuko bataz bestekoa gainditzen dute; 100.000 biztanleko 291 lagunek izan zuten lan-istripuren bat.
Sektoreak kontutan hartuta, eraikuntzan gertatzen dira istripu gehienak. Bigarren lekuan industria agertzen da eta, ondoren, nekazaritza. Kontrara, zerbitzuen sektorean zenbatzen dira istripu gutxien.
Azkenik, in itinere istripuen datuei begiratuta, 100.000 biztanleko 25 langilek izan zuten bidean istripuren bat 2022ko uztailean, abuztuan edo irailean.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".