BIZKAIA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Indarrean dira N-240 eta BI-625 errepideetako bidesariak kamioientzat

Barazarreko errepidea (N-240) da garestiena, mendikoa baita. Ibilgailu astunek 0,32 eta 8,93 euro ordaindu beharko dituzte bertatik igarotzeko.
huelga greba garraiolariak transportistas transporte garrioa camión kamioia
Kamioiak errepidean. Artxiboko argazkia: EFE
author image

AGENTZIAK | EITB MEDIA

Azken eguneratzea

Bizkaian N-240 eta BI-625 errepideak erabiltzen dituzten ibilgailu astunek bidesaria ordaintzeari ekin diote gaur, urtarrilak 25. Bizkaiko Foru Aldundiak azaldu duenez, bidesariak ezartzearen helburua da errepide sarearen baldintzak bermatzea eta ibilgailu astunen trafikoa bide horietan murriztea (izan ere, egunero milaka kamioik erabiltzen dituzte bi errepideok).

Foru Aldundia 2023ko urtarrilaren 1ean hasi behar zen kobratzen, baina aste batzuz atzeratzea erabaki zuen garraiolariak sistema berrira ohitu zitezen. 

N-240 errepidean (Barazar) bederatzi free flow arku jarri dituzte martxan El Gallo eta Ubidea artean, eta 0,32 eurotik 8,93rainoko prezioan. Errepide hori da garestiena, mendate baita.

BI-625ean, berriz, 8 free flow arku jarriko dituzte Laudiotik Basaurira, 0,23 eurotik 1,13rainoko prezioa izango dutenak.

Europako Batzordeak ezarritako gehieneko prezioa baino gutxiago ordainduko dute, eta deskontuak izango dituzte asko erabiltzen dituztenek eta ibilgailu eraginkorrak dituztenek.

Bizkaiko Foru Aldundiak egindako kalkuluen arabera, deskontuei esker 5,6 milioi euroko aurreztuko ditu urtero garraiolarien sektoreak. Dagoeneko 633 enpresa eta partikularren eskaera onartu dituzte eta beste ehun eskaera inguru izapidetzen ari dira.

Kamioilariak kexu agertu dira, deskontuak gorabehera, errepide horiek erabiltzeak gainkostua eragingo dielako.

Ibilgailu arinen gidarien zalantzak

Foru Aldunditik jakinarazi dutenez, zalantzaren bat sortu da N-240 eta BI-625 errepideak erabiltzen ari diren eta autoan VIA-T duten ibilgailu arinen gidarien artean. Dirudienez, VIA-Tak kobratzeko arkuetatik igarotzean sistemak ohiko doinua egiten du, baina Foru Erakundetik esan dutenez, "ez da kobratzen ari, eta ez zaie kobratuko". Azaldu dutenez, "sistemak VIA-T guztiak antzematen ditu, baina kamioiei bakarrik kobratzen zaie".

Ekonomia Bizkaia Eguneko Titularrak Bizkaiko Foru Aldundia Merkantzia-garraioa

Albiste gehiago ekonomia

GRAFCAV8905. VITORIA (ESPAÑA), 18/06/2025.- La empresa adjudicataria del mantenimiento de los jardines de Vitoria se ha visto obligada a realizar servicios mínimos tras dos meses de huelga. En la imagen uno de sus trabajadores segando el césped del parque de la Florida de Vitoria. EFE/ADRIAN RUIZ HIERRO
18:00 - 20:00
ZUZENEAN
Duela  min.

Gasteizko lorezainak lanera itzuli dira, gutxieneko zerbitzuak betetzeko

Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.

Gehiago kargatu