Espainiako barne produktu gordina % 5,5 hazi zen 2022an, aurreikusitakoa baino puntu bat gehiago
Espainiako Estatistika Institutuak (INE) 2022ko azken hiruhilekoari dagozkion ekonomia-datuen txostena kaleratu du. Bertan azaltzen denez, hiru hilabete horietan % 0,2 egin zuen gora herrialdeko barne produktu gordinak (BPG) eta, beraz, urte osoko datua % 5,5ean gelditu da.
Azken bi urteetan, 2021ean eta 2022an, maila berean egin du gora Espainiako ekonomiak; bietan % 5,5ekoa izan da datua. Hori horrela, Covid-19aren etorrerak sortu zuen krisiaren ondoren, herrialdeko ekonomiak gora egin duela diote datu hauek. Izan ere, % 11,3ko jaitsiera izan zuen garai hartan.
Datu erreala aurrez hainbat erakundek egindako aurreikuspena baino altuagoa izan da. Gobernu espainiarrak % 4,4koa izango zela aurreikusi zuen, Nazioarteko Diru Funtsaren hitzetan % 5,2koa izan zitekeen eta Espainiako Bankuak % 4,6an jarri zuen zenbakia.
Espainiako Ekonomia Ministerioan baikortasunez hartu dute INEren txosten hau. "Nazioarteko egoerak zalantza ugari sortzen" dituen garaian datu hauek jasotzeak Espainiako ekonomiaren "sendotasuna eta erresilientzia agerian uzten duela" azpimarratu dute.
Datuak xehetuz, Ekonomia Ministerioak esportazioen garrantzia azpimarratu nahi izan du; atzerriko eskaerenak baitira BPGaren datu orokorretik 2,6 puntu. Barne eskaeretatik, berriz, 2,8 puntu eratorri dira eta, Ministerioaren hitzetan, inflazioaren kolpeari eta kosteen igoerari "ongi eutsi" zaio.
Nadia Calviño buru duen sailetik adierazi dutenez, "azken finean, Espainiak ia berreskuratu du pandemiaren aurretik zuen BPGaren maila" eta etorkizunera begira baikor azaldu dira; "datuak hobeak" izan daitezkeenaren aurreikuspena egin dute.
Albiste gehiago ekonomia
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.
Bigarren Hezkuntzan eta Lanbide Heziketan eskainitako irakasle-plazen % 17 hutsik geratu dira Nafarroan
Eskainitako 473 plazetatik 84 ez dira bete. Lehen Hezkuntzan, berriz, ia ez da lanposturik geratu bete gabe.