EAEko BPGa %2,3 hazi da hirugarren hiruhilekoan, eta 13.450 enplegu sortu dira
Euskadiko ekonomiak apur bat bizkortu du hazkunde-erritmoa, eta 13.000 lanpostu baino gehiago sortu dira, nahiz eta kanpo-sektorearen bultzada moteldu den esportazioen beherakadaren ondorioz.
Eustaten datuen arabera, EAEko BPGak % 2,3 egin du gora, urtetik urterako datuak hartuta, 2025eko hirugarren hiruhilekoan. Zifra hori urrian egindako aurreikuspena baino hamarren bat hobea da. Hiruhilekoen artean, hazkundea % 0,6koa izan da. Enpleguak ere portaera positiboa izan du, duela urtebete baino 13.450 lanpostu garbi gehiago baitago EAEn, hau da, urtearteko % 1,4ko hazkundea, eta aurreko hiruhilekoaren aldean, % 0,2koa.
Bilakaera, lurralde eta sektoreka
Hazkundea orokorra izan da hiru lurraldeetan. Bizkaiak izan du urtearteko gehikuntzarik handiena (% 2,5), ondoren Arabak (% 2,3) eta Gipuzkoak (% 2,2). Bigarren hiruhilekoaren aldean, Bizkaiak % 0,7ko hazkundea izan du, Arabak, % 0,5ekoa, eta Gipuzkoak, % 0,4koa.
Sektoreka ere joera positiboa izan da: Industriak % 0,2 egin du gora urtetik urtera, eta eraikuntza ere suspertu da, % 5eko aurrerapenarekin aurreko urteko aldi beraren aldean. Zerbitzuek eutsi egin dute, % 2,9ko igoerarekin. Nabarmentzekoa da Merkataritza, Ostalaritza eta Garraioaren indarra, % 3,5 igo baitira.
Nota negatibo bakarra lehen sektorekoa da, urtearteko % 1,5eko eta % 0,9ko jaitsierak izan baititu aurreko hiruhilekoaren aldean.
Kontsumoa eta inbertsioa, ekonomiaren gainetik
Eskariaren ikuspegitik, kontsumo pribatua % 2,8 hazi da urterik urte, eta kontsumo publikoa, % 2,2. Oro har, azken kontsumoko gastua % 2,7 igo da.
Inbertsioak ere nabarmen egin du aurrera: Kapitalaren eraketa gordina % 4,9 hazi da, ekipamenduko ondasunek (% 4,8) eta eraikuntzari lotutako gainerako inbertsioek (% 4,9) bultzatuta.
Portaera horrekin, barne-eskaria % 3,2 handitu da, BPGaren gainetik, eta horrek azaltzen du kanpo-sektoreak hazkundea murriztu izana.
Esportazioek, behera
Eustaten arabera, esportazioek % 1,8 egin dute behera iazko aldi berarekin alderatuta, eta inportazioek, % 0,6. Ondorioz, kanpo-saldoak ekarpen negatiboa egin dio hazkunde ekonomikoari.
Enpleguak gorantz jarraitzen du
Lan-merkatuak sasoiari eutsi dio: 13.450 enplegu garbi sortu dira urtebetean, eta enpleguak hobera egin du eraikuntzan (% 2) eta zerbitzuetan (% 1,7).
Eustaten arabera, hirugarren hiruhilekoko datuek Eusko Jaurlaritzaren aurreikuspen makroekonomikoko datuak berretsi zituzten eta zertxobait hobetu zuten urrian argitaratutako aurreikuspena. Horrela, EAEko ekonomiak hazkunde moderatuari eutsi dio, kanpo-merkataritzako tentsioak gorabehera.
Zure interesekoa izan daiteke
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).
Prezioen indizea % 0,8 igo da EAEn eta % 0,4 Nafarroan ekainean
Kontsumo Prezioen Indizearen (KPI) urtearteko tasa % 3,2koa da EAEn (hirugarren hilabetez jarraian), eta % 2,7koa Foru Erkidegoan, Espainiako Institutuak asteazken honetan argitaratutako datuen arabera.