Eusko Jaurlaritzak, BBK-k eta Kutxabankek Ayesa erosteko egindako eskaintza gainerako inbertitzaileei gailendu zaie
Eusko Jaurlaritzak, BBK fundazioak eta Kutxabankeko Indar funtsak osatutako partzuergoak esklusibotasun-akordioa sinatu du Ayesaren dibisio teknologikoa erosteko. Dibisio horren parte da Ibermatica 2022tik. Euskal blokearen eskaintza gainerako inbertitzaileei gailendu zaie, eta salerosketa-kontratua sinatu aurreko lehen urratsa izan da, abenduaren 31ko mugarekin.
Joan den astean Mikel Jauregi Industria sailburuak gogorarazi zuenez, operazioaren helburua da Ibermatika zaharrak Euskadin errotuta jarraitzea eta proiektu teknologikoa indartzea Miramonen, Zamudion eta Gasteizen dituen hiru lantegietan. Guztira, 2.000 langile ditu konpainiak Hegoaldean.
Ayesak duela hiru urte erosi zuen Ibermatica, 13.000 langile ditu mundu osoan eta bere dibisio teknologikoa konputazioan, digitalizazioan eta zibersegurtasunean espezializatuta dago. Estatuko hamar aholkularitza-enpresa teknologiko handien artean dago, eta lankidetza estua du Basque Quantum estrategiarekin. Gainera, Euskadin errezeta elektronikoaz arduratzen den enpresetako bat da.
Orain, euskal partzuergoak urte amaierara arte izango du konpainiaren erosketa ixteko, eta ez da baztertzen bazkide inbertitzaile berriak etortzea.
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak adierazi duenez, erosten ari dena Ayesako Ibermatica zatia baino "handiagoa" da. "Arrakasta handiko negozioa da, Manzanares Abasoloren gidaritzapean, gure lurrarekiko sentsibilitate oso berezia baitu, ama Bilbokoa baitu", azpimarratu du.
"Elkarrizketak izan dira haiekin esanez: zer egingo duzue zuek, aterako zarete, geratuko zarete, kide kapitalista berriekin geratuko zarete, zer gertatuko da?, eta hor, pixkanaka, akordioaren argazki bat egiten ari gara", adierazi du.
Nolanahi ere, negoziazio horretan urte amaierara arte "esklusibotasuna" dutela adierazi du, eta urtea "ospatzen" amaitzea espero du, "mahatsak hartuta, akordioa itxita".
Eusko Jaurlaritzarentzat errotzea "oso garrantzitsua" dela azpimarratu du Mikel Jauregik. Zentzu horretan, "garapen industrialerako hiru hanka daude, industriarako noski, baina baita finantzetarako eta zientziarako ere", zehaztu du.
Jauregik azpimarratu du hilabete amaierarako "hasierako bazkideen ituna" zehaztu behar dutela, "baina hori ere alda daiteke", eta saltzaileek "casha" nahi dutela eta hori "badaukagu".
"BBK-k 100 milioi jarri ditu, Indar-Kutxabankek 100 milioi jarri ditu, eta gu komodina gara", gaineratu du, "jende gehiago animatzen bada, ba primeran, komodina kenduko dugu".
Zure interesekoa izan daiteke
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).
Prezioen indizea % 0,8 igo da EAEn eta % 0,4 Nafarroan ekainean
Kontsumo Prezioen Indizearen (KPI) urtearteko tasa % 3,2koa da EAEn (hirugarren hilabetez jarraian), eta % 2,7koa Foru Erkidegoan, Espainiako Institutuak asteazken honetan argitaratutako datuen arabera.