Garraio ministroak "berehalako kargu-uzteak" iragarri ditu Kantabriako eta Asturiaseko trenen akatsengatik
Raquel Sanchez Espainiako Gobernuko Garraio, Mugikortasuna eta Hiri-Agendarako ministroak iragarri duenez, "berehalako kargu-uzteak" izango dira Renfen eta Adifen, hainbat erkidegoetarako (Asturiaserako eta Kantabriarako, bereziki) aurreikusita zeuden Hurbileko trenen neurrietan izandako akatsengatik "erantzukizunak zuritzeko".
Castro Urdialeseko Udalean egindako bisitaren bitartean komunikabideen aurrean egindako adierazpenetan, barkamena eskatu die Sanchezek Kantabriako biztanleei, eta Miguel Angel Revilla Kantabriako presidentearekin ostiralean hitz egin zuela esan du, "haserrea eta sumina" partekatzeko.
"Kargu-uzte horiek datozen orduetan izango dira, beraz, momentu horretan emango ditugu azalpenak", iragarri du ministroak. Gainera, barne-ikuskaritza agindu du Renfen eta Adifen, "gertatutakoa zehatz-mehatz jakiteko".
Tren-proiektuaren atzerapena murrizteko "beharrezkoak diren ekintza guztiak egingo ditugu", eta gogoratu du tren horiek ez daudela oraindik eginda, diseinu fasean baizik. Udarako espero dute diseinua bukatuta egotea, eta jarraian ekoizteari ekitea, baina ez dute bukaera-eperik zehaztu.
Dirudienez, Adifeko sareari buruzko adierazpenak zekartzan galiboetan izan da jatorrizko arazoa. Renfek datu horiek erabili zituen 2019an, Espainiar Estatuko iparraldeko bereziki trenak berritzeko kontratua egiteko (Hurbileko zerbitzurako eta Distantzia Erdirako zabalera metrikoko 31 trena).
2020ko ekainean Renfek kontratu hori eman zion Euskadin egoitza duen CAF enpresari, 258 milioi euroren truke. Proiektua prestatzen zebilela, galiboetan eta trenbideetan akatsa zegoela ohartu zen CAF, eta hala jakinarazi zion Renferi.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.