Milioi bat pertsona, 2,5 milioi CGTren arabera, pentsioen erreformaren aurka atera dira Frantzian
Emmanuel Macron presidentearen Gobernuak egin nahi duen pentsioen erreformaren aurka beste protesta bat egin dute larunbat honetan Parisen, eta 500.000 pertsona inguru atera dira bertan, Langileen Konfederazio Orokorraren (CGT) arabera. Kopuru horri Frantzia osoan zehar izan diren 240 protesta deialdiak gehitu beharko litzaizkioke.
Le Monde eta France Info hedabideek emandako datuen arabera, Frantziako Gobernuak esan du 963.000 pertsona atera direla kalera herrialde osoan, eta CGT sindikatuak, berriz, 2,5 milioi aipatu ditu. Edozein kasutan, orain arteko protestarik jendetsuena izango litzateke.
Baionan, 15.000 eta 20.000 pertsona artean bildu dira laugarren protesta egunean.
Sindikatuek "herritar guztiak" deitu zituzten larunbat honetarako, protestak joan den asteartekoak baino "are masiboagoak" izan zitezen, orduan 757.000 pertsona inguru atera baitziren kalera Frantzia osoan, Barne Ministerioaren arabera, ia bi milioi sindikatuen arabera. Martxoaren 7an "Frantzia geldiaraztea" da aldarrikatutako helburua.
Frantziako Gobernuak erretiro adina pixkanaka igotzea planteatzen jarraitzen du, 64 urtera iritsi arte (egungo 62 urteak baino bi gehiago), eta gehieneko pentsioa eskuratzeko behar den kotizazio aldia handitzea. Testuak zenbait talderen pribilegio espezifikoak ere ezabatzen ditu.
Hala ere, Gobernuak ez du gehiengoa bermatuta erreforma aurrera ateratzeko, espektro politikoaren bi aldeetatik kritikak jaso baititu. Jean-Luc Melenchon Frantzia Intsumisoko (LFI) presidentegai ohiak "zentzuzkoa" izateko eskatu dio Emmanuel Macron herrialdeko presidenteari, eta ez "autoritarioa".
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.