Euskal Herriko Pentsiodunen Mugimenduak baraualdi-itxialdi batekin abiatuko du mobilizazio-astea
Euskal Herriko Pentsiodunen Mugimenduak mobilizazio-astea abiatuko du gaurtik, baraualdi-itxialdi batekin hasita, 1.080 euroko gutxieneko pentsioa aldarrikatzeko. Ostiralera bitartean protestak eta adituekin mahai-inguruak prestatu dituzte, eta datorren larunbatean, martxoak 18, Bilbon izango den manifestazio batekin itxiko dute astea.
Prestatu duten mobilizazio-egitaraua astelehenean hasiko da: Bilboko Udaletxearen aurrean, asteroko eguerdiko elkarretaratzean, programa aurkeztuko dute pentsiodunek eta, horren ostean, baraualdi-itxialdia egingo dute Bilboko lokal batean, egunero 30 pertsonak txandaka.
Astearterako, martxoak 14, 1.080 euroko gutxieneko pentsioa eskatuz, Jose Luis Escriva Giza Segurantzako ministroari zuzendutako idazkia aurkeztuko dute Gobernuaren Ordezkariordetzan. Jarraian Gizarte Segurantzako Institutu Nazionaleraino ibilbidea egingo dute, "arreta zerbitzuan dauden arazoak" salatzeko. Egun horretan ere pentsioen etorkizunaren eta Europako erreformen gaineko mahai-inguruak izango dira.
Asteazkenean, hilak 15, martxa egingo dute pentsiodunek Eusko Jaurlaritzaren Ordezkaritzaraino, eta 1.080 euroko gutxieneko pentsioa eskatzeko eta genero-arrakala salatzeko idatzia helaraziko diote Emakunderi. Geroago, genero-arrakalarekin bukatzeko neurrien inguruko mahai-inguru bat egingo dute.
Ostegunean, hilak 16, gutxieneko pentsio hori defendatu dezaten eskatzeko beste idazki bat emango diete hainbat alderdi politikori, euren egoitzetatik igarota. Egun horretako mahai-ingurua pentsiodunen plataformen gainekoa izango da.
Ostiralean, hilak 17, Bilboko Udaletxean izango dira larunbateko manifestazioan parte hartzeko deia herritarrei luzatzeko. Larunbatean, hilak 18, 12:00etan Moyua plazatik abiatuko den manifestazio horrek mobilizazio-astea itxiko du.
1.080 euroko gutxieneko pentsioa 14 ordainketan
Bost urte daramatza pentsiodunen mugimenduak "1.080 euroko gutxieneko pentsioa 14 ordainketan" aldarrikapena egiten, "Europako Gutun Sozialak zehaztutako gutxieneko irizpideei jarraituta". Euskal Herriko Pentsiodunen Mugimenduak azpimarratu duenez, "zahartzaro duina izateko gutxieneko diru-sarrera da, eta pentsioetan izaten den genero-arrakala murrizteko neurri eraginkorra ere bada".
Pentsiodunen kolektiboak dioenez, % 8,5ko azken igoera gorabehera, pentsiodunen % 30k "ez du gutxienez 800 euroko pentsioa", eta horrek 199.800 pentsiodunei eragiten die, horietako 152.6000 emakume izanda.
Nafarroa
Bestalde, Iruñeko Pentsiodunen Mugimenduak adierazi du "indar guztiekin" babesten dituela EAEko pentsiodunek egingo dituzten mobilizazioak eta, Bilbon egingo duten baraualdi-itxialdiarekin bat eginda, Iruñean manifestazioa egingo dutela iragarri du.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".