1.080 euroko gutxieneko pentsioa "berehala ezartzea" eskatu dute EAEko pentsiodunek, 2027ra itxaron gabe
Espainiako Gobernuak aste honetan onartutako pentsioen erreformaren aurka manifestatu dira milaka pentsiodun larunbat honetan Bilbon, eta gutxieneko pentsioa jada 1.080 eurokoa izatea aldarrikatu dute (Espainiako Gobernuak proposatutakoaren arabera, 2027ra arte itxaron beharko lukete pentsiodunek).
EAEko Pentsiodunen Mugimenduak deitutako manifestazioa izan da, eta 1.080 euroko gutxieneko pentsioa aldarri, mobilizazioz beteriko asteari amaiera emateko martxa egin dute larunbat honetan Bilbon. Hiru lurraldeetatik etorritako manifestariak izan dira, eta zapiak lepoan eramanda, "1.080, ahal dugu", "Gobernatzen duen gorabehera, pentsioak defenda ditzagun", "terrorismoa da hila bukatu aurretik dirurik gabe geratzea" edo "Urkullu, entzun, pentsiodunak borrokan" bezalako oihuak izan dira ibilbidean zehar entzungai.
Martxak zenbait trafiko-arazo eragin ditu Bilbo erdialdean, eta pankarta bateratua eraman dute, "Pentsioen murrizketarik ez, 1080 euroko gutxieneko pentsioa" lemapean.
Manifestación en Bilbao en defensa de unas pensiones dignas. Foto: EFE
Bost urtez aldarrikapenak egiten
Euskadiko Pentsiodunen Mugimenduak bost urte baino gehiago daramatza 14 ordainketetan egindako 1.080 euroko gutxieneko pentsioa aldarrikatzen, zahartzaro duin bat izateko gutxieneko diru-sarrera eta genero-arrakala murrizteko neurria eraginkorra direlakoan.
Jon Fano Mugimenduaren bozeramaileetako batek adierazi duenez, mobilizazio guzti horien helburua da erakunde publikoek "behin betikoz eta berehala 1.080 euroko gutxieneko pentsioa ezarri dezaten".
"Gaur erakutsi nahi dugu, gaurko pentsioak ez ezik, are garrantzitsuago direla etorkizuneko pentsioak, eta horiek defendatzeko asmoz, erakunde sindikal eta sozialen babesa eskatu dugula", gaineratu du.
Bilboko Udaletxeko eskaileretan bukatu dute manifestazioa, duela bost urte mugimendua jaio zen leku berean, alegia. Han bertan, bozeramaileek agiria irakurri dute, euskaraz eta gaztelaniaz, eta salatu dutenez, "lan-bizitza oso baten ostean, ikusten ari gara zelan, erreformaz erreforma, gure pentsioak murrizten ari direla".
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.