Jaurlaritzak gutxieneko zerbitzu "gehiegizkoak" jarri dituela salatu dute Osakidetzako garbiketako langileek
Osakidetzako garbiketan azpikontratatuta lan egiten duten langileek greba ziklo berri bati ekin diote gaur, eta salatu dute, deialdi honetarako Jaurlaritzak gutxieneko zerbitzuak handitu dituela, beharginen erdiraino.
"Gutxieneko zerbitzuak gehiegizkoak eta neurrigabeak dira", kritikatu du Bittor Gonzalez LAB Zerbitzu Pribatuetako Federazioko arduradunak. "Beharginok hirugarren mailakoak dira lan baldintzei dagokienez, baina greba egiten dutenean oinarrizkoak balira bezalako gutxieneko zerbitzuak ezartzen dizkiete", adierazi du.
Hiru lurraldeetan 2500 bat langile, ia denak emakumeak, aritzen dira Osakidetzarako garbiketa lanak egiten, azpikontratatuta. Bi astez greba egitera deitu dituzte LAB, UGT, CCOO eta ESK sindikatuek. ELAk ere lanuzteak ditu deituta (otsailaren 27an hasi ziren eta apirilaren 3an bukatuko dute).
Gaur Araban, Bizkaian eta Gipuzkoan mobilizazio eta manifestazioak egin dituzte. Gasteizen, esaterako, Txagorritxu Ospitaleko kanpo kontsultetako eraikinetik abiatu dira, "Garbiketa borrokan. Funtsezkoak bagara baldintza duinak" lelopean.
Gonzalezek lau sindikatuen izenean azaldu duenez, beharginon aldarrikapen nagusia homologazioa da, hots, Osakidetzaren garbiketa langileen baldintza berak izatea, lan bertsuak egiten baitituzte. Bost urte daramatzate hitzarmena berritzeko negoziazioetan.
Horren hitzetan, neurri hori jasota dago enpresekin egindako aurreko akordioetan, baina ez da betetzen "Osakidetza eta enpresa esleipedunak homologazio erritmoa apurtzen ari direlako". Osakidetzaren beraren jarrera ere deitoratu du Gonzalezek: "Hainbatetan jo diogu atea, ez gaitu hartzen, ez digu erantzuten, baina dagokiguna eskatzen eta defendatzen jarraituko dugu".
ELA: "Osakidetzak eta Optima enpresak greba eskubidea urratu dute"
Bestalde, ELA sindikatuak salatu du Jaurlaritzak, greba gorabehera, aparteko garbiketa eskatu zuela Donostia Ospitalean. Sindikatuaren arabera, "Osakidetzak eta Optima enpresa esleipedunak langileen greba eskubidea urratu dute".
Sindikatuak ohar bidez esan du Donostiako erietxean egindako garbiketa "erabaki politiko bati" erantzuten diola eta gatazka "garbiketa langileei karrera profesionala ordaintzean" bukatuko dela.
Azkenik, gatazkaz galdetuta, Gotzone Sagardui Eusko Jaurlaritzako Osasun sailburuak esan du espero duela laster bukatzea:
Zure interesekoa izan daiteke
Dieselaren litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.